النهارده هقولك على نصيحه حطيها قدامك على طول
ماتشكيش زوجك لحد ..

اتخانقتى انتى وزوجك او ضايقك .. ايه اول حاجة بتعمليها ؟؟
بتروحى تشكيه لمامتك او اختك او حتى صاحبتك ..صح؟؟
لأ كده مش صح
انتى كده ياحبيبتى بتخونى الامانة اللى زوجك ائتمنك عليها بمجرد زواجه منك .. انك تحفظى سره .. تخفى عيوبه واسراره وكلامه وتصرفاته ماتفضحيهوش ..وتحافظى على صورته واحترامه عند اهلك ..
حياتك بعد الزواج اشبه بالصندوق المغلق .. اللى بيحصل جوه البيت يفضل جوه البيت علشان ربنا يبارك لك فى بيتك ..
حاجة تانيه بعد شويه بتتصالحى مع زوجك وبتنسى اللى حصل لكن اللى حكيتيله عمره مابينسى وبيفضل فاكر ..
كمان انتى لما بتحكى بترسخى عيوب زوجك ف دماغك وبتكبريها وتحسيها بعد كده اى تصرف منه بيخنقك ..
طب واللى هاتقولى يعنى اعمل ايه لازم افضفض علشان ارتاح يعنى اتخنق
ماهو ياحبيبتى انتى بترتاحى بايه؟؟ انك بتطلعى زوجك غلطان وانك كويسة وضحية وكل ما الموقف يتكرر هاتحتاجى تفضفضى وهكذا تدخلى فى حلقة مفرغة ..
امال تعملى ايه ؟
الجئى لربك .. صلى ركعتين وابكى وفضفضى وادعى ربنا يهديهولك هتلاقيكى ارتحتى وهديتى وهاتحسى ببركة ده فى حياتك ..
وربنا يسعدكو