ازاي  نختار المكياج السليم للبشره التي بها حبوب



اكيد اي بنت او سيده عندها حبوب في بشرتها بتستخدم مكياج اكثر من اي واحده علشان تخفي عيوب بشرتها و تكون عندها ثقه اكثر في النفس فلازم نختار المكياج السليم علشان مشكله الحبوب لا تزيد
- اولا لازم نختار منتجات المكياج السليمه الصح الي بيكون مكتوب عليها Noncomedogenic اي المنتجات الي صعب جدا تسد المسام و ده شئ اساسي للناس اليعندها حبوب علشان المشكله لا تزيد و ناس كثير جدا غيروا للانواع دي من المنتجات و ارتاحوا
- ممكن كمان تستعيني بالمكياج الطبي الخالي من الدهون علشان لا يزود مشكله الحبوب
- دائما اي منتج من منتجات المكياج تختاريه يكون Powder base اي اساسه البودره مش سائل لان السائل ممكن يكون بداخله زيوت و ده مفضل لان البودره بتمتص الدهون . و الكلام ده لاي منتج تستخدميه سواء كريم اساس احمر خدود كونسيلر ....... الخ
- لو اي منتج من المكياج سبب لكي حساسيه او ظهور حبوب حتي لو طبي قومي بتغييره في الحال لان ممكن يكون بداخله مكون مش متماشي مع بشرتك انتي بالذات
- لازم كل ادوات المكياج زي الفرش نغسلها علاطول لان البكتريا تتراكم في الفرشاه و تنقل العدوي من مكان لاخر
- لازم دائما لا نضع مكياج كل يوم لازم نهوي البشره و نريحها علشان تخف من الحبوب خصوصا لو بتاخذي معالجات للحبوب و ممكن ايام نكتفي برسم العيون فقط و ترك باقي البشره بدون مكياج
- لازم نزيل المكياج صح باستخدام مزيلات مكياج و من ثم الغسول علشان ننظفها من المكياج تماما
- نحاول نعوض البشره بالمسكات اللازمه لها علشان نحاول معالجه الحبوب اسرع و نعوضها من المكياج الذي وضعناه عليها
- ابتعدي تماما عن ماركات المكياج الرديئه الغير معروفه و اخر شيئ اريد ان اقوله لاصحاب البشره التي يوجد بها حبوب لابد ان نعالجها تحت اشراف طبيب جلديه حتي لا تزيد سوء و تترك اثر علي البشره

بس خلاص