كل سنه و انتم طيبين و اجازه سعيده عليكم يا قمرات الاجازه جات و اغلبنا بيحب يروح يصيف عشان يرتاح من سنه شغل و تعب و دراسه
يلا بقى نحضر الشنطه مع بعض انا عملت الموضوع عشان يبقى مرجع لينا و احنا بنحضر الشنطه كل سنه
اولا حتجيبى ورقه و تقسميها عواميد كل فرد من افراد الاسره عمود ماشى
اولا انتى ليدى اذ فرست يا خرابى على الانجليزى بتاعى يا ولاد حتحطى فى الشنطه كالاتى لبس خروج انتى حتسافرى بطقم و خدى طقمين مثلا و على حسب المده لكن احنا مش عاوزين ناخد حاجات كتير عشان المكان تاخدى اطقم مش بتتكرمش بسهوله و يا سلام لو حاجات مش بتتكوى اصلا
لبس بيت مقولكوش بقى بديهات حمالات و شورتات او برمودات و كاشات قصيره و لو مفيش اطفال خدى بكينى المهم الى الاجانب يختى بيلبسوه بره انتى البسيه جوه لبس بحر خصصى حاجه تنزلى بيها البحر انا عامله عبايه و خمار بنزل بيهم اسدال صلاه اوعى تنسيه عشان تصلى بيه و ممكن تقعدى بيه فى الفرنده طرح اوعى تنسيها تبقى مصيبه و متنسيش اسكارفاتها او البندانات و الدبابيس شرابات معاصم الاحذيه يفضل مش كتير عشان مكان الشنطه انا مثلا باخد الاطقم يكون يليق عليها جزمه واحده او اتنين بالكتير شبشب للبحر و شبشب للبيت اوعى تنسى الداخلى الى انتى بتحتاجيه توك على لبس البيت بتاعك مكياج خفيف للبيت برضه بسسسسسسسس
ده كده لبسك يا فتوكه و طبعا حتكتبى جنب كل حاجه حاخد مثلا البيجامه الحمرا و الكاش اللبنى و البدى الاصفر توصفى الحاجه يعنى عشان متنسيش حاجه تمام
نيجى للبس جوزك نفس الحكايه لبس خروج كجوليه بقى تيشؤتات و قمصان هاواى و بنتكورات لبس بيت الى بيرتاح فيه لبس البحر بتاعه لبس داخلى شبشب للفسح و شبشب للبحر و شبشب للبيت كاسكته و لو بيلبس برنص لما يخرج من البحر حطيه برضه
تمام ده لبس جوزك
نيجى بقى للاطفال
الاطفال الكبار يعاملوا معامله جوزك و انتى
لبس خروج و فسح لبس بيت بزياده شويه مايوه البحر برنص لبس داخلى صندل خروج و شبشب للبحر لو اطفال صغيره خدى حفاضات و ممكن لو فى لعب بيحبوها تكون خفيفه ماشى
كده يا قمرات خلصنا اللبس نيجى بقى لاحتياجاتنا هناك لو حتوحوا فندق ممكن تلاقوا بعض الحاجات لكن انا حعتبر اننا رايحين شاليه فعشان منحتاجش حاجه و نحتاس
حاجات الحمام
صابونه مسحوق عادى شامبو شاور حمام كريم ادوات العنايه الشخصيه و متنسيش الصن بلوك ليفه استحمام فوط للوجه فرش اسنان و معجون فرش شعر
حاجات المطبخ
كبايات و ممكن بلاستيك 2 طبق معالق سكينه ليفه مواعين كيس بريل صغير حبل غسيل مشابك
ا شياء متفرقه
مصحف كاميرا شواحن الموبايلات ابره و خيط كساوى مخدات و ملايات قلم و ورقه قصافه مناديل شماعات مصليه
اخر حاجه الاكل
ده حسب رغبتكم فى بيحب ياخد اكل فى بيحب يشترى اكل جاهز و فيه بيروح مكان بيقدم الاكل فده بيكون حسب الظروف بس ممكن فى كل الاحوال ناخد شويه قراقيش او حلويات لو جعنا فى نص الوجبات
هنحضر شنطه المصيف هنا-اجازه سعيده
