جدول اكلات شهر يونيو وطبعا بالميزانيه جديد على منتدى الستات
صباح / مساء الخير ياقمرات
النهارده ميعادنا مع جدول اكلات شهر يونيو وطبعا بالميزانيه وان شاء الله الشهر الجاى هانزلكم جدول اكلات شهر رمضان كل سنه وانتم طيبين
يارب الجدول يعجبكم يابنات
السبت 1/6: بسلة + لحمة+شوربة+رز+سلطة الاحد 2/6: باقي الاكل الاثنين 3/6 : بصارة + بصل الثلاثاء 4/6: سمك مشوي+رز+سلطة الاربعاء 5/6 : كشري اصفر+بيض مسلوق+طماطم مخللة الخميس 6/6: حواوشي+مخلل الجمعة 7/6 : مسقعة+سلطة السبت 8/6: محشى كرنب او ورق عنب +فراخ+شوربة الاحد 9/6 : باقي الاكل + ملوخيه الاثنين 10/6 : قرنبيط + بطاطس محمرة الثلاثاء 11/6 : سمك مقلي+رز+سلطة الاربعاء 12/6: بيتزا الخميس 13/6: كبدة بالردة +مكرونة+سلطة خضراء وطحينة الجمعة 14/6 : عجة + بطاطس محمرة السبت 15/6: فاصوليا خضراء+لحمة+شوربة+رز+سلطة الاحد 16/6: باقي الاكل الاثنين 17/6 : فول بالسجق +بطاطس مهروسة بالبيض + مخلل الثلاثاء 18/6 : صينية سمك + رز + سلطة الاربعاء 19/6: فطير وعسل الخميس 20/6 : بانية + مكرونة + سلطة الجمعة 21/6 : ممبار + بطاطس محمرة السبت 22/6 : صينية بطاطس بالفراخ +رز + سلطة الاحد 23/6 : باقي الاكل الاثنين 24/6 : كشري الثلاثاء 25/6 : مكرونة بالسجق + سلطة الاربعاء 26/6 : تونة + بطاطس محمرة الخميس 27/6 : كفتة دواود باشا + رز + سلطة الجمعة 28/6 : محشي باذنجان وكوسة وفلفل من غير فراخ ولا لحمة السبت 29/6 : بامية+لحمة+رز+مخلل الاحد 30/6 : باقي الاكل
نيجى بقى للميزانيه
بند اللحوم
كيلو ونصف لحمه ب 85 جنيه كيلو الا ربع لحمه مفرومه مستورده ب 25 جنيه فرختين ب 60 جنيه 3 كيلو سمك ب 50 جنيه نصف كيلو كبده مستورده ب 15 جنيه كيلو ممبار ب 25 جنيه سجق ب 25 جنيه 285 جنيه
بند الفطار والعشاء
هنجيب طول الشهر كرتونه ونصف بيض ب 27 جنيه كيلو فول ندمسه ب 10 كيلو فول مدشوش للطعميه ب 5 كيلو جبنه بيضاء ب 16 كيلو جبنه قريش او ربع رومى ب 10 مربى ب 4 لانشون او حلاوه ب 10 3 علب تونه ب 18 20 جنيه عيش كده الحساب 120 جنيه
بند الخضار :
هنحتاج كل اسبوع 2 كيلو طماطم 3 كيلو بطاطس خس + نصف خيار فلفل + بذنجان صنف خضار كرنبه او قرنبيط او ورق عنب كيلو بصل حجم صغير كوسه يعنى ممكن حساب الخضار طول الشهر يتكلف 120 جنيه
بند خزين البيت :
5 كيلو رز ب 20 جنيه 2 كيلو مكرونه مشكله ب 8 جنيه علبه سمنه حجم صغير او زيت للاكل ب 13 جنيه ربع عدس بجبه + ربع عدس اصفر ب 4 جنيه ملح وتوابل ب 4 جنيه كيلو ونصف دقيق ب 6 جنيه كده الحساب 55 جنيه
بند المنظفات :
كيس بونكس ب 32 جنيه ازازه فيرى ب 5.5 جنيه كلور سايب ب 2 جنيه 2 صابون وجه ب 3 جنيه سلك مواعين ب 2 جنيه كده حوالى 45 جنيه
بند الحلويات
هنعمل لقمه القاضى عندنا الدقيق هنزود الفانيليا والبكنج بودر وممكن نجيب كمان جيلى وممكن نعمل كيكه هنحتاج بس نصف كيلو لبن ب 3 جنيه يبقى حساب الحلويات 10 جنيه
يبقى ميزانيتنا
285 +120+120+55+45+10 = 635 يبقى باقى ال 650 نجيب بيهم الفطيره وممكن نزود وتبقى ميزانيتنا 700 جنيه ونجيب بيهم فاكهه
بنات الميزانيه دى لاربع افراد فقط يعنى اسره متوسطه ال اسرتها اكبر تزود المصروف ال تحب تزود تزود وال تنقص تنقص انتوا حرين وكمان الزيت والسكر من التموين وكمان اللبن خارج الميزانيه
جدول اكلات شهر يونيو وطبعا بالميزانيه جديد على منتدى الستات
