دردشه-ابنى-حكايه-قصه-ميدو

السلام عليكم

النهارده عاوزة احكيلكم على موقف حصل بينى وبين ابنى

ابنى ميدو
عنده 7 سنين

وهو وحيد لان معايا اخت ليه اسمها هيا 12 سنه

كنت بحكى انا وميدو اصل بصراحه الواد ميدو ده رغاى ومسلى

يعنى اخرج معاه مشوار مبحسش بالوقت ولا الطريق هههه

المهم

بيقولى لما اكبر يا ماما عاوز اشتغل مدير زى بابا

واتجوز بنت تكون حلوه قصده موزه هههه

قلته ماشى اتعلم واتخرج وخلص جيشك واتجوز

مع ان هو ملهوش جيش

بس انا كنت بجرجره فى الكلام للموضوع ده

قالى جيش؟؟؟

لاء انا مش عاوز اروح الجيش؟؟

قلتله ليه انت مش راجل؟؟

قالى اه هبقى راجل بس مش هروح

قلتله هى مدرسه هتغيب منها ههههههه

لاء هتروح الجيش

لقيت الواد اتكتم ومش عاوز يرد وهيعط

قلتله مالك يا حبيبى؟؟

قالى انتى عاوزانى امووووت؟؟

قلتله ليه؟؟

قالى اللى بيدخل الجيش هيموت؟؟

قلتله وايه يعنى اللى بيموت فى الجيش بيبقى شهيد

بس بينى وبينكم

حسيت قلبى وجعنى وكنت هعيط

الله يكون فى عون امهات الشهداء

قلتله لاء يا حبيبى مش كل اللى بيدخل الجيش بيموت

ده بيدافع عن مصر

اصله بيحب مصر اوى زى امه كده هههههههه

وقلتله اللى بيدافع عن مصر ربنا بيحبه

ساعتها بس اقتنع بكلامى

بس قالى بشرط

قلتله ماشى قووول

عارفين قالى ايه؟؟؟

قالى هروح انا وصحابى كلهم وناخد حاجات حلوه

ههههههههه

سكت وقلتله هى رحله ولا سينما

بس فى الاخر قلت ده طفل مايفهمش ولا يدرك

بس كفايه انه اقتنع بالفكره

ودى كانت يوميه من يومياتى مع ميدو