انا النهارده جايه اكلمكو على ليفه المطبخ وكمان عشان بحبكوا هكلمو على ليفه الحمام
اولا ليفه المطبخ ياريت كلنا نجيب الليفه الاسنفج المضغوطه بتبقى احسن وانظف اغلى شويه بس بتعيش وهقولكوا ازاى نطول ف عمرها شويتين
احنا بعد مانخلص غسيل ياريت مانسبش الليفه فى مايه الصابون لان كده بتبقى عرضه انها تكون مكروبات وجراثيم ومتخيلين طبعا لما نغسل الاطباق بصابون مليان جراثيم
هيبقى ايه يعنى غير امراض وبلاوى زرقه
فى اقتراحين
الاول تجيبى مشبك غسيل وتنشرى الليفه على حاجه عاليه المهم متلامسش اى سطح عشان تنشف بالكامل وبكده تبقى قليلتى من الجراثيم لان المكروبات بتنمو اسرع ف البيئه الرطبه
التانى تجيبى توكه شعر اللى هيه المشبك وتحطى الليفه فيها وتسيبيها على الرخامه وبكده اليفه هتنشف ومش هتلامس اى سطح
اما مايه الصابون لو بتحبى تخففى صابون بكميه كبيره يبقى ياريت تحطى شويه ديتول 5مللى لكل 25 مللى مايه وبكده المايه ما تعطنش
والاحسن انك ماتحطيش مايه وصابون كتير خليه على الاد
اما بالنسبه لليفه الحمام بيستحسن برضه تعلقيها فى مكان ناشف وطايله هوا فى الحمام عشان تنشف وبكده تبقى قضيتى على المكروبات
ليفه الحمام بتجمع ميكروبات كتير وطبعا هيبقى عليها ضرر على بشرتك علميا ترميها بعد 3 شهور زيها زى فرشه الاسنان
لاء انتى هترميها برضه؟
لو كنتى بتستخدمى الليفه اللى هيه منفوشه اللى بتيجى هديه على الشاور فانتى ممكن تبقى تفتحيها وتحطى فيها ورد وجفف وبشر صابون اللى انتى بتحبيه وممكن قطنه فيها شويه زيت عطرى وتعلقيها ف دولاب الهدوم او تحطيها فى وسط الهدوم اللى هتحزنيها بتدى ريحه حلوه جدا وبيبقى منظرها شيك اووى
اما لو الليفه العاديه فانتى ممكن تخليها تنظفى بيها الحمام لحد اما تطلعى عينها وتقولك اعتقى اهلى باه وارمينى
يارب يا قمراتى اكون فدتكم
وكل سنه وانتوا طيبين
الليفة ثم الليفة ثم الليفة 
