عاوزة توفري في المصروف بجد ...

1 . تصدقى على اي عامل فقير او غلبان في سكتك في الهايبر ماركت او السوق بنيه انك بتشكري ربنا على النعمة الي انتي فيها .. وبنيه ان ربنا يطرح البركة في الفلوس الي معاكي .

2 . هاتي تموين البيت . للشهر كله .. يعني كميات تقضي الشهر . مش اسبوع او اسبوعين .

3 . متمشيش ورا مجلة العروض .. او الحاجات الي عليها عرض .. لانك اولا مش هتستخدمى منتجات العرض دي للشهر لانها بزيادة .. و ثانيا لان فعلا ممكن تكوني مش محتاجاها بس كلمه عرض خاص بتجننا فبنشتري و خلاص

4 . متروحيش تشتري و انتي جعانه ابداااااااا .. ودي حقيقة مؤكدة

5 . لازم في الاسبوع . يوم او يومين (قوردييييحي ) مش شرط يكون الاكل كله لحمة او فراخ او سمك او كفته .. شوفى اكلات اقتصادية و جربيها .

6 . مترميش بواقي الاكل .. لو في رز باقي .. شيليه في الفريزر .. طبيخ .. اي حاجة ينفع تتشال . مترميهاش . شيليها . هيجي يوم في اخر الشهر . تطلعيهم و يبقوا وجبات صغيره متنوعة و توفري تعب و تكلفة طبيخ اليوم ده .

7 . دايما و انتي بترصي حاجاتك في التلاجة و ارفف المطبخ رددي .
اللهم ديــم علينا نعمك و احفظها من الزوال