الش مصرى جديد,

قلش جديد,

اجدد الش

اخيراً اخترعت ألة الزمن اللى هتخلينى أسافر للمستقبل وأخلص من الزمن الوسخ ده *
= ايه الجهاز دا يا حبيبى ؟
- دى ألة الزمن يا ماما .. هسافر المستقبل .. خلاص مش هتشوفينى تانى .. مش هتقوليلى قوم من ع الزفت اللى قاعد عليه من الصبح ده وشوفلك حاجه مُفيده .. مش هتقوليلى يا فاشل تانى .. بس والله يا ماما بجد هتوحشينى !
= انت شربت حشيش تانى يا واد ؟!!
- انتوا هتفضلوا طول عمركوا كده .. مش واثقين فى قدراتى ودايماً بتحبطونى .. عن اذنك يا ماما بقا *بيظبط الجهاز على 2050 * .. مش هتودعينى يا ماما ؟!!!
= طب مش هتاكل لقمه قبل ما تسافر .. الطريق طويل واكيد هتجوع فى السكه .. اسخنلك الباميه ؟؟
- لا مش عايز باميه .. هاكل فى المستقبل بقا .. خليكى اتريقى كده ومش واثقه فيا .. وعلى فكره بقا بكره تقولى الواد كان عنده حق وراح المستقبل بجد .. انا اللى بكره هبقى وتشوفوا اسمى تبكوا وتقولو كان قريبنا * يقاطعه صوت *
= بطل مرقعة وطير يلا عشان اتفرج عليك واصورك بالموبايل وانزلها ع الفيسبوك !!
- اتريقى اتريقى .. من غير سلامو عليكو .. * بيشغل الجهاز .. بيضغط ستارت .. بيطير بجد وبيختفى *
* المستقبل .. 2050 .. الساعه 10 مساءاً .. ظلام دامس فى كل مكان .. نور خفيف من شباك حجره فى منزل .. يتجه نحوها فى حالة اندهاش تامه .. راجل قاعد بيتكلم مع ابنه *
+ يعنى بجد يا بابا احنا كان عندنا كهربا وتلفزيون وأجهزه كهربيه زمان زى الدول التانيه دى !!
> ايوه يا حبيبى وكان فى موبايلات عندنا وكمبيوتر وكنا بنقعد ع الانترنت زى الدول التانيه ..
+ والله انت فرحتنى أوى يا بابا بالحدوته دى ..
> لو فضلت شاطر وبتسمع الكلام هحكيلك كل يوم عن حاجه جديده من اللى كانت عندنا زمان .
+ حاضر يا بابا هسمع الكلام والله ..
> يلا يا حبيبى قوم إردم الحطب الوالع ده بشوية رمل عشان ننام ..
+ حاضر يا بابا ..
* بيشغل ألة الزمن وبيرجع 2014 *
- ماماااااا .. سخنيلى الباميه عشان انا جعان جدا !
ههههههههههههههههههه