ماساه بنت فى رحله البحث عن عريس

البنت تيجى فى سن العشـــــــــرين تلاقى الام ربطتت دماغها ألامطه الشهيره ولبست الحتـه السودا
وتقعد جمبها : يابت اتلحلحى يابت اخرجى وافرحى وحطى مكيــاج كده وخليكى زى البنات
(ناقص تقولها شمى كولـه )
المهم البنت يا عينى تحــس انها كبــرت وعجـــــزت وتبدأ رحله الضغينـه على أصدقائها المرتبطات !!!
وتقعد تولول على عمــــرهـا وتعمل البدع فروحهـــا ظنا منها انها يعنـى لازم تظهـر جمالها وحلاوتها عشان سوقهـا يمشى
تلاقى قرايبهـا جايين صف كل الى تسلم عليها تبوسها وتجز على سنانها وتقول : مافيش حاجة كده ولا كده ياختى؟؟
ما تتلحلحى يابت ؟؟؟
والغلبــانه تتجنن وتزود جرعه المكياج شويـه يمكن تجيد نفعا ولا تبدأ تضيق شويـه فلبسهــا
ومن غير ما تحـــس تلاقى نفسهـــا بقت ألى ما يشتــــرى يتفرج عليها
لاننا فمجتمــــع ثقافتـه على قده ومحدوه بيعتقدو ان طالما وصلتى للعشــرين خلاص حان وقت بيت العدل ..
المهم البت بقى تتعقد فنفسيتها تقول لا مكياج نافع ولا ضيق نافع طب وربنا لأبين القصـــه بقى : وسع ياعم الحج
وتقرر فلحظــة غضب وتقول : أنــــــــــــــــــا هنحــــــــرف
تبدأ المغلوبه أو المنكوبـه تحـاول تكلم اى واحد والسلام يعملهــا satisfication للى مفتقداه
وطبعا كثـر ما بيكون حوار فاكـس وغير مكتمل لان كلا من الطرفين لم ينضجـا بعد
وطبعا والنبى لو اتشقلبت على دماغها هو نصيب وبيجى وقت ما ربنا كاتبــه
(أتـــــى أمـــر الله فلا تستعجلوه )
وتضطر تتجوز اى واحد يتقدملها
عشان تبقى engaged بدل single
وتلاقى البنت احلامها وفكرتها عن الجواز منتهى الاضمحلال اى والله
هى فكرتها فستان وفرح وقاعه وحتتين جاتوه وساندوتش بسطرمه
وتيجى تشيل المسئوليه وتشيل هم البيت والعيال تلاقى الموضوع مختلف تماما
ترجع تندب تانى وتقول : ياريتنى ما اتجوزت !!
طيب قرفانا معاكى وانتى مربوطة وقرفانا وانتى مش مربوطة؟
يا جدعان الجواز مش دبلـه وانك تشتركى فعرض الرسايل وتقضيها موبايلات ونحنحـــــه
فأتهدى وفكرى صح
ومش أى واحد والسلام فكــــــرى : ممكن ده ولادك يبقو زيـه؟؟ شوفتى ان الموضوع اكبر من دبله؟؟
عـــــــــــــز نفسك تجدها عزيزه
مهما حصـــــــــــل خليكـى جوهرة مصونه يصعب الحصول عليها
خليكـى زى ما انتى فحياتكـ والتزمـاتك وما تتخليـش عن أى مبدأ من مبادئك عشان جنس مخلوق
لان باختصار ماحدش هيخاف عليكـى اكتر من نفسك
والطيبون للطيبــــــــات طول ما انتى طيبه عمر ما ربنا هيوقعك فحاجة وحشه ابدا ودعــــى الكلاب تعــــــــوى والقافلـه تسير وربنا يرزق بنات المسلمين الزوج الصالح والذريه الصالحه ويحفظنا جميعا يارب
والسلام عليكم ورحمه الله وبركاته