ودى مشكلة عند ناس كثير اوى وفعلا مشكلة رذلة وبايخة وناس بتشتكى انهم اتعالجوا بس من غير اى نتايج . يا ترى الكلام ده صح ؟؟؟ ولو صح . يبقى ايه الحل ؟؟؟؟؟؟ من غير ما تسأل ولا تحتار . مع نونيا هتعرف كل الاسرار . يلا بينا
ايه هى القشرة اصلا ؟؟؟؟؟؟؟؟ سؤال وجيه بس كلناعارفين الاجابة . القشرة دى عبارة عن مرض بيصيب فروة الرأس وبيؤدى الى سقوطقشور بيضاء خفيفة تتناثر على الظهر والاكتاف عند تمشيط الشعر
بتصيب مين بالضبط ؟؟؟؟؟؟؟؟
بتصيب الجنسين يعنى الراجل والست بس لحق ربنا هى بتصيب الراجل اكثر من الستوبتصيب كل الاعمار حتى الاطفال اللى لسة مولودين ممكن يكون عندهم قشرةوبيسموها ( قلنسوة المهد ) او cradle cap بس وجدوا انها بتقل كثير بعد سن 40 . ربنا يدينا ويديكم طولة العمر ان شاء الله وعلى فكرة وجدوا انها بتزيداكثر فى فصل الشتاء وبتتحسن اوى فى الصيف
هل القشرة مرض ؟؟؟
الاجابة لا يا جماعة . القشرة مش مرض . وهنقول ليه بالتفصيلاحنا قلنا فى اجابة السؤال الفوقانى ان القشرة بتكثر فى الشتاء . بمعنى انمع برودة الجو فى الشتاء هنلاقى ان فروة الراس بتنشط جدا وبتكون خلاياكثييييييييير عشان تعمل زى غطاء او طبقة عازلة تغطى فروة الراس وتدفيهاوتعزل عنها برودة الجو . تقدروا تقولوا انها خط دفاع ذاتى من الجسم بيحاوليحمى بيها الراس والمخ من برودة الجو . سبحانك يا ربى . بمعنى كدة انالقشرة دى بتحصل لينا كلنا فى الشتاء . يبقى ايه اللى يخليها تبقى مشكلةعند ناس وناس تانية مش بتعانى منها نهائى ؟؟؟؟؟؟؟؟انزلوا لتحت عشان ده سؤال جديد يا فتاتيك
احنا اتفقنا ان القشرة بتتكون عندنا كلنا بس ناس معينة بيكون عندها عدوىفطرية . يعنى فطريات بتنمو على راسها من فوق والفطريات دى تتغذى وتهيص علىالقشور الزيادة اللى اتكونت وتخلى الخلايا دى تلصق فى بعض وتكون طبقة واحدةوبعد ما توصل للى هى عايزاه تخلى الطبقة دى تنفصل عن جلد فروة الراس كانهابتطفو على الشعر كدة . ولما تيجى الفتوكة تسرح شعرها فالمشط يروح مكسرالطبقة العايمة دى فتروح نازلة على شكل بودرة بيضا تدينا منظر وحش لشعرناولهدومنا ومش بس كدة بتوقع الشعر كمان لانها مش بتخلى الشعر يتنفس وبتكونسادة كل مسام الشعر
1- اول سبب الفطريات اللعينة اللى بتنمو على فروة الراس
2- تعرض الشعر للبرودة فى فصل الشتاء
3- غسيل الشعر بماء بارد
4- سوء التغذية وخاصة نقص الزنك ونقص فيتامين ب المركب
5- عدم غسل الشعر بشكل منتظم
6- استخدام الصبغات ومواد فرد الشعر و حنة الفرد و الجيل المثبت للشعر
7- استخدام السشوار ومكواة الشعر
8- استخدام حبوب منع الحمل
9- تمشيط الشعر بعنف
10- التوتر والضغوط النفسية عشان بتهيج الفطريات
ايه علاج القشرة بقى بالصلاة على سيدنا النبى ؟؟؟؟
عليه افضل الصلاة والسلامطبعا ومن غير اى كلام لازم شامبو ضد القشرة ويفضل الشامبوهات الطبية عشانبيكون جواها مضاد للفطريات وهاقولكم هنا على افضل الشامبوهات واسعارهاوطريقة استخدامها
1-شامبو سيلسن بلو selsun blue وده ممتاز لانه فيه مضاد للفطريات والحجم الصغير بتاعه ب 32 جنيه والحجم الكبير ب 48 جنيه
اختارى اللى يناسبك فيهم ويريحك ويفضل كل ما نوع يخلص مش تكرريه تانى . لالالالا. استخدمى نوع تانى جديد وهكذا عشان شعرك مياخدش على نوع واحد بس
هنستخدمهم ازاى ؟؟؟؟؟؟؟؟؟
هتغسلى شعرك بيهم مرتين اسبوعيا لمدة شهر ثم مرة واحدة اسبوعيا لمدة شهر ثم مرة كل اسبوعين مدى الحيااااااااااااااااااااااة . ايوة مدى الحياة لان القشرة مرض مزمن ولو وقفتى الشامبو لاى سبب بترجع تانى وعشان كدة ناس كثير يشتكوا انهم اتعالجوا وخفوا وبعدين رجعت تانى وده لانها مشكلة مزمنة والعلاج بيكون طول العمر
طيب انا قلت مرة كل اسبوعين مدى الحياة . فهل معنى كدة انى اغسل شعرى مرة كل اسبوعين بسسسسسسسسس؟؟؟؟؟؟؟؟
لا طبعا . هتغسلى شعرك زى ما انتى عايزة وبالشامبو اللى يعجبك كمان بس لازم شامبو للقشرة طبى مرة كل اسبوعين كوقاية مش اكثر
هتشطفى شعرك تمام بميا فاترة يعنى دافية وبعدين تحطى كمية مناسبة من الشامبو فى علبة وتخلطيه بشوية ميا فاترة لحد ما يعمل رغوة فى الاناء وبعدين تصبيه على شعرك واهم حاجة تركزى على فروة الراس وتدلكى كويس باطراف الاصابع وبعدين تسيبيى الشامبو على الراس 5 دقايق على الاقل وبعدين يتشطف كويس جدا جدا جدا بالميا الفاترة لان شامبو القشرة بينشف الشعر ولو متشطفش كويس بيخلى الشعر هايش وبهتان
يفضل يا جماعة نعمل حمام كريم او نستخدم بلسم اى نوع تفضلوه بعد شامبو القشرة عشان نطرى الشعر ونخليه بيلمع وشكله صحى وحيوى كدة
فيه كمان لوسيونات ممكن ندلك بيها فروة الراس مرة او مرتين فى اليوم باقى ايام الاسبوع وده اختيارى بس انا بحبذه لانها هتساعدنا اكثر فى التخلص من القشرة وكمان هتشجعنا ندلك فروة الراس وبكدة هتقلل برضه من التساقط وتقوى الشعر
فيه عندنا لوسيون بانتكس pantex lotion ده لوسيون مقوى للشعر ومضاد للقشرة وفيه منه نوعين للشعر الدهنى او للشعر العادى والجاف وده ب 15 جنيه
2- لوسيون داندرام dandram وده الحجم الصغير ب 15 جنيه والكبير ب 25 جنيه
[size=18]هل فيه نصايح معينة غير العلاج ؟؟؟؟؟؟
طبعا
1- ممنوع ميا باردة فى غسل الشعر ولازم ميا فاترة او دافية
2- لازم كاب او طاقية تتحط على الشعر وانت خارج فى الشتاء
3- الفتوكات المحجبات لازم يلبسوا بندانة قطن قبل الطرح الصناعى
4- ممنوع التوتر والعصبية
5- نهتم جدا بالاكلات الغنية بالزنك وفيتامين ب زى السلطة والاسماك والمكسرات والدواجن والخبز الاسمر والفول والبسلة والليمون
6- ممنوع السشوار والمكواة والصبغات والفرد ومثبتات الشعر
7- تمشيط الشعر بمشط خشب اسنانه واسعة وحروفه ناعمة
8- تمشيط الشعر برفق لان الاحتكاك الجامد بفروة الراس اثناء التمشيط بيهيج الراس ويزود تكوين القشرة
هل فيه وصفات من الطب البديل للقشرة ؟؟؟؟
كلمة السر فى الطب البديل هى الصبار وخل التفاح
1-ممكن تشترى ورقة صبار وتغسليها كويس وتشقيها بالسكينة وتخرجى الجيلاتين اللى جواها وتدلكى بيها فروة الراس كويس لمدة 5 دقايق وتغطى شعرك وتنامى والصبح تشطفى شعرك بميا فاترة فقط من غير شامبو
2- تحطى نص فنجان خل تفاح على نص فنجان ميا وتخليهم على نار هادية واول ما يبدأ غليان تضيفى نص معلقة صغيرة نعناع ناشف وهى غلوة واحدة وترفعيه بعيد عن النار ولما يبرد تصفيه وتدلكى فروة الراس بيه وبعد ساعة تشطفى الشعر بميا فاترة فقط من غير شامبو
3- ممكن تشطفى شعرك اخر شطفة ب2 كوب ميا فاترة مذاب فيهم معلقة كبيرة خل تفاح او معلقة صغيرة عصير ليمون بس خلاص
بالصور علاج فعال لقشرة الشعر
