الدورة الشهرية .. أزمة كل رجل



النهارده جايبالكو موضوع يهم كل بيت
تكاد تصل الى ازمه
بس ربنا يسهل ونقولها بدم خفيف  

- هتلاقي عندك إرهابى صغير في البيت كله متفجرات لو خطفك الله في سماه ما هتنفع معاه اى مفاوضات، خد لك ساتر
- هتلاقيها مش بس مش طايقاك ولا طايقة العيال لا دى كمان لا طايقة نفسها ولا العيشة ولا اللى عايشينها.. طنش
- ممكن جدا تلاقيها بتعيط أودام فيلم مؤثر زى توم وجيرى، وقاعدة تجتر لك مآسى السنين.. ناولها الكلينيكس في صمت وتعاطف مفتعل.. عادى شم هتركز معاك لكن احتمال تبطل شحتفة
- لو حاولت تتحرش بيك، لا ماتفهمنيش غلط انا قصدى تفتعل خناقة معاك، ابتسم في صمت وقول لها "عندك حق" دا لو مش عايز تتطلق أو تدخل الأكياس البلاستشيك السودا.
- هتلاقيها مش قادرة تشم روائح كتير ومعدتها مقلوبة تمام زى ما تكون حامل، اعتبرها ملبوسة ومافيش زار هينفع معاها وماتعرضهاش للروائح اللى بتضايقها واستحمى.
- مزاجها في الأكل هيختلف وممكن تلاقيها بتقرف من أصناف معينة.. سيبها تاكل وتأكلك اللى يريحها.. ربنا يكفيك شر شخلعة الهرموناط
- هتلاقيها بتنام كتير وتعبانة ومنهكة وكل شوية تشتكى كإن ماحدش بيجيلوا الدورة الشهرية غيرها.. عادى اسمع وقول لها "سلامتك يا حبيبتى ان شالله (حط اسم اى حد هى بتكرهه) هتهون عليها كتشييير
- هتلاقى ألوانها كئيبة وهيغلب عليها الرمادى، الكحلى، البنى والاسود.. اعتبر نفسك في عزا مؤقت واديها فنجان قهوة واحمد ربنا انك راجل
- هيختفى الماكياج والإهتمام بالنفس وهيظهر لك كائن خرافى بشنب.. اتصور جنبه علشان تفتكر الشهر الجاى تعمل كل اللى فات دا
أدينى قلت لك اللى فيها وعقلك في راسك تعرف خلاصك تتنصح تتنصح ماتتنصحش ماتتنصحش