السلام عليكم ورحمة الله وبركاته النهاردة بقى جيبلكو طريقة جميلة جدا تعملك ازاى تخشعى ف كل ركعة وتبقى مركزة جدا ف الصلاة والكلام ده ع لسان الدكتور عمرو خالد و مصطفى حسنى بصى ياستى من كلام كتير بنسمعله عن ازاى نخشع ف الصلاة ويكون قلبنا هو اللى بيصلى مش مجرد جسم بيتحرك وبس اهم حاجة ف الصلاة { النية } يكون نيتك انك رايحة تقابلى ربنا عارفة يعنى ايه تقابلى ربنا يعنى تبقى ف قمة سعادتك يعنى تصلى بحب مش مجرد واجب بتعمليه وعايزة تخصلى منه وخلاص لا الصلاة عمره ماكان اداء ده حب والموضوع بيبدأ من الوضوء بمعنى انك هتتوضى 5 مرات ف اليوم كل مرة اكنها اول مرة بمعنى انك هتراعى ربنا جدا وانتى بتتوضى زى بالظبط مايكون عندك خروجة ولا حاجة وبتاخدى شاور تمام بقى علشان تبقى نضيفة جدااا هو الوضوء جدا مش مجرد تمسحى ع ايدك ووشك لا حسى بالميا وهى عليكى بتتوضى وانتى رايحة تقابلى ربك لازم تبقى زى الفل قمريا كدا هدومك نضيفة شكلك كويس كل حاجة فيكى مظبوطة ولما تيجى تلبسى حاجة تصلى بيها بلاش تكون حاجة وحشة ولا ضيقة قابلى ربنا وانتى جميلة ع السجادة وانتى بتصلى اتعاملى اكن دى اخر صلاة ف حياتك وهتموتى بعدها شوفى بقى هتصليها ازاى علشان ترضى ربنا غمضى عينيك وتخيلى انك واقفة وادامك ربنا ورسوله شوفى هتأدى الصلاة ازاى ادامهم هل وقتها هتشغلى دماغك باللى حوالكى ولا هتشغلى دماغك بالتعب اللى فيكى صدقينى مش هتحسى باى حاجة غير بالراحة اللى هتحسيها ف الصلاة وقتها هــااا ..؟ عرفتى ازاى تخشعى ..؟ تخيلى رسولك الكريم سيد البشر صلى الله عليه وسلم وربك ادامك بيشوفيكى بتصلى ازاى اركعى وانتى كلك ثقة بربنا وكلك ثقة انك عايزة تكونى قريبة منه جداااا ودايما ادعى وكلك ثقة انها هتحقق وماتخافيش من حاجة ابدا وادعى دايما بقلبك قبل لسانك انه يجعلك من المقربات الخاشيعات الصالحات وتكونى احب الناس لرب العالمين ولرسوله الكريم صلى الله عليه وسلم
وصدقينى عن تجربة الموضوع ده نفع جدا وفعلا الحمدلله خلانى خاشعة ف صلاتى وياررب افضل كدا ويااارب كلنا نبقى من احب الناس لرب العالمين ورسوله الكريم يااااااااااارب