شرح استخدامات فرش المكياج  







  النهاردة بقي الموضوع دة مفضل بالنسبالي أنا شخصية ومستمتعه جدا وانا بعملة
" فرش الميك أب "
وهو حصرى لكل عضوات وزوار منتدى الستات وبس

الميك أب كلة بيتبني علي الفرش
وبيبان جدا لو كنتي فعلا Professional ولالا عن طريق أستخدامك للفرش

الفرش أنواع وفي ماركات مخصصة للفرش وفي ماركات ميك أب انتجت فرش و هنا هاقول ماركات

M.A.C - Sigma - Real techniques - Makeup Geek - Bobbi Brown - Makeup Forever - ELF
 
 
  دلوقتي واحدة هاتقولي اية الحيرة دي اشتري أية ولا ماركة أية

قبل الماركة في نوعين من الفرش

1 - فرش بتتصنع من شعر الحيوانات " تحديدا البقر " طبعا بدون أذاء للحيوان نفسة لان دي جريمة بكل المقاييس وليها معاير دولية وكمان بعض البلاد مابترضاش تصنعها اصلا و دي أغلي انواع الفرش لان الجودة بتاعتها رائعه والشعر ناعم جدا ومش بيقع

2 - فرش بتتصنع من ألياف صناعية و دي درجات في ممتاز وفي وسط وفي وحش

طيب دلوقتي أية الماركات الي أشتري منها فرش كوالتي ممتازة " بس أسعارها عالية انا بقول اهو "

M.A.C - Bobbi Brown - Makeup Forever

دول أغلي ماركات الفرش بس الكوالتي اشتري واحدة و أنسي أنك تشتري لمدة سنتين أو تلاتة

الماركات الي الكوالتي بتاعتها كويسة و اسعارها رخيصة

Real techniques - sigma - makeup geek

واخيرا الماركة الوحيدة الي اسعارها تعتبر ولا حاجة ولكن معنديش أي فكرة عن جودتها لاني مش بشتريهم

ELF

طيب دلوقتي عرفنا مع بعض الماركات

طب الفرش دلوقتي اشتري كام فرشة ؟
يعتمد عليكي
يعني لو الميك أب بتاعك مش تقيل مش MAKEUP ARTIEST يبقي الأساسيات
اما لو انتي بتحبي الميك أب ومش هواية لا عايزة تحترفي فعلا المجال دة يبقي هاتشتري فرش " كتير "

أنا شخصيا لاني اشتغلت في المجال دة كان عندي عدد مهول من الفرش
بس انا مش محتجاهم فـ رجعتهم تاني ماعلينا يعني
دول استعمالي الشخصي

وكمان في اخر الموضوع هاوريكم طريقة تنظيف الفرش

" في فرش مش نظيفة انا سيبتها علشان اوريكم بعد التظيف وقبلة "
  
  
" ملحوظة : الفرشة تقعد 3 سنين فقط وتترمي " مش أكتر من 3 سنين للفرش بتاعت اي حاجة سائلة زي الفونديشن والكريمات و فرش الروج والكونسيلر مهم اوي ترميهم بعد 3 سنين

أما البودر والايشادو والبلاشر تترمي بعد 4 سنين ممكن لان دول مفهمش باكتيريا كتير "

يلا نبدأ بقي معلش اتكلمت كتير بس أنا احب موضوعي يفيدك أكتر مايبقي صور

انا اغلب فرشي من M.A.C و نوع تاني جالي هدية من أستراليا مش فاكرة أسمة حتي ولا مكتوب علي الفرش بس نوع كويس و Sephora فرشهم أيضا جميلة واسعرها رخيصه بالمقارنة مع MAC بس انا لسة اكيد هاشتري من ماكـ فرش تانية  
 

  أولا مهم جدا أنك تحافظي علي الفرش بتاعتك في شنطة للفرش مخصوصة زي دي مقسمة وماتحطيهمش في برطمان ولا علي التسريحة ولا معرضين للهواء علشان الباكتيريا  
 







  أول حاجة فرشة البودر كبيرة XL و دي ليها مميزات كتيرة أوي
ممكن تستخدميها للـ Finish powder او لو بعد ماتخلصي الـ Blush او Bronzer تدمجيهم مع بعض دي من Sephora  
 

  دول 2 فرشة للبودر برضة بس أحجام أصغر
ودي تستخدميها لما تحطي كونسيلر وتحطي فوقية بودر علشان يثبت
وممكن للـ blush و ممكن للبودر Finish يعني ليها استخدمات كتيرة 
 


  فرش الفونديشن والـ BB Cream و الكونسيلر
طبعا دول قصة تانية خااااالص دول لازم يفضلو نظاف بستمرار ومحدش يستعملهم غيرك أبدا مهما كان مين
وبعيد عن أي باكتيرا  


  أنا بعشق الفرشة دي من M.A.C ورقمها 187 بجد تحفة بستخدمها للـ bb كريم او الفونديشن ناعمة جدا وبتوزع كويس جداااااا  
 


  دول برضو أشكال أخري لفرش الفونديشن بس أنا مش بحبهم حتي بتاعت ماكـ معرفش بستخدمهم في أي حاجة ساعات للكونسيلر ساعات برضة للـ B B اكيد مش هارميهم 
 



  فرشة الكونسيلر ودي مهمة أوي بالنسبالي لاني لما استخدم صوباعي بحط اكتر من الزم قولت لا ماينفعش كدة خالص روحت اشتريتها من ماكـ سكرة خالص 
 




  فرش الـ Blush & Highlighters & contoring   

  الفرشة دي أنا بحبها حب مش قادرة اقولكم دي للهايلات والبلاش والبرونزر وحتي لو بحط بودر عادي مش عارفة اقولكم اية غير اني بموت فيها من M.A.C رقمها 138 
 



  فرشة مخصوصة للـ Blush انا بسميها المدلعه لان جاية مايلة كدة شوية حلوة اوي من ماكـ رقمها 168 انا بحبها وبجد بتظبط البلاش  
 




  الفرشة دي للـ Contoring بس انا اشتريتها للـ bb بس شعرها بيقع ومش عاوزه ابوظها فاستخدمها للكونتورنج من Sephora  
 





  فرش الأيشادو  


  طبعا الايشادو دة فن " فن دمج الألوان " انا لما درست ميك أب درست اسمة كدة
علشان كدة لي فرش كتيرة جداااااا  
 
  دول فرشتين من ماكـ أول فرشة لوضع الايشادو علي الجفن
والتانية للدمج بين الالوان علشان مايبقاش في اي harsh lines او خطوط غير محبوبة حلوين جدا
ولازم يبقو عندك لو بتحبي الايشادو  








  المجموعة دي كلها للعيون هاشرحهم بالتفصيل 
 

  الفرش أسمها Pencil brushes و دول تستخدميهم لو عاوزه تعملي Smokey eye بس بطريقة محترفة أو لو عايزة تعملي أضافة في العين من جوة " جنب المناخير " اسمها بالانجليزي Inner corners حلوين بس لو مش من محبي الايشادو يبقي ملهمش لزمة  
 


  فرش برضة لوضع الايشادو احجام مختلفة  
 



  فرش الكحل
كل دول للـ Jel eyeliner معلش انا عندي هوس بالموضوع دة وبحاول اشتري الافضل  

  دي رفيعه جدا وسهلة اوي ترسمي بيها خط رفيع   



  دي اسمها angled brush وطبعا اسمها واضح انها فيها مايلة شوية 
 


  و أخيرا دول واحدة من sephora والتاني من Maybelline  
 




  كدة الفرش خلصت المشاركة الجاية عن تظيف الفرش
  

  تاااااااااابعونى