امل محمود تكتب........نفسى

نفسى:
- ماعياش وابقى زى الحديد طول الوقت
- آكل زى ماكل ماتخنش
- جنيه أفرتك فيه مايخلصشى
- الشوبنج يبقى رياضتى اليومية
- أبقى شيك طول الوقت
- ماعجزش ولا يطلع لى تجاعيد
- أقوم من النوم بدرى فايقة ومقبلة على الحياة
- أنام أول ما أحط دماغى على المخدة
- أبقى محبوبة من الناس كلها
- ماخافش من حاجة وماحملش هم بكرة
- كل أحلامى تتحقق
- كل الناس اللى بحبهم مايتعبوش ولا يموتوا
- زرار "بلوك" في الحياة استخدمه مع كل اللى يضايقنى
- أبقى أشهر من أشهر نجمة وأقوى من سنجام
- عندى طباخ وشغالة وصفرجى وكماريرة أعمل بيها ايه معرفش، بس يبقى عندى
- الضحكة ماتفارقش وشى ولا وش كل الناس
- بلدى تبقى بلد الناس تعرف تعيش فيها سعيدة
- ولادنا يتعلموا ويتربوا لوحدهم من غير ما يجيبوا لنا أزمة قلبية
- أفطر في باريس وأتغدى في الصين وأتعشى في مصر
- ألف العالم علشان مابقاش جيت ومشيت من غير ماشوف الكوكب اللى انا عايشة عليه
- يكون عندى زرار "off" في دماغى أدوس عليه وقتما أزهق من التفكير والعيشة
- أضمن إن جوزى هيفضل يحبنى طول عمره وعمره ما هيبص برا

ههههييييححححح الأحلام حلوة مافيش كلام
أمل محمود