بسم الله الرحمن الرحيم
  



 
 

  خبر عاجل فى محافظ الشرقيه فى مركز قرية تسمى كفر الحوت
  

  اول امبارح شباب كفر الحوت مسكو حرامى ..
الشباب كانو قاعدين الساعه 11 الصبح فى منطقة عند المطحن كده وشافو 3
اشخاص راكبين موتسيكل مفيهوش مفتاح والسلوك بتاعته متقطعه وموصلينها فى
بعضها كده عشان يشغلوه من غير مفتاح اشتبهو فيهم وجريو وراهم اتنين هربو
وواحد اتمسك وعينكو ما تشوف الا النور قامو معاه بالواجب فطروه وغدوه وعشوه
وفى الاخر شرب كوباية الشاى يعنى خد ضرب شديد خااااالص وراح القسم وراح
معاهم احد الناس الى موجوده من البلد وهناك فى القسم عملو معاه الواجب
تانى بردو مينفعش يكون فى ضيافتهم كده وميعملوش معاه الواجب وفى نفس الوقت
واحنا واقفين لقينا صاحب الموتسيكل جاى يعمل محضر انه اتسرق منه واتعرفنا
عليه وطلع من قرية ام عجرم واستلم الموتسيكل بتاعه من القسم بالورق
المطلوب وكفايا دعاؤه للشباب اللى مسكو الحرامى وهما دول رجالة فاقوس ودى
صورة الموتسيكل وهو فى القسم ..