انا ابنى كنت متبعاله مع دكتور فوق الممتاز دا قبل ماجى السعوديه قعدت معاه 10 شهور وهنا دخت لحد ما واحده عرفتنى على دكتور برضوا ممتاز اسمه اسامه ولما شاف روشتات ابنى ومقادير الفيتامينات والجرعات وكله حتى الاكل بصراحه لقيت الراجل بيقولى الدكتور ده فوق الممتاز حتى مدى الجرعات بدقه جامده جدا ادخل فى الموضوع انا جكتب الاكل اللى كتبه لابنى من اول الشهر الرابع لحد ماتم سن سنه طبعا من الشهر الاول لنهايه الاتالت الرضاعه وكان مدى لبوس جلسرين علشان الامساك كان نص لبوسه فى اليوم مره واحده بس يوميا وكان فى نقط simethicen للمغص والانتفاخ 5 نقط بالفم مره واحده فى اليوم وطبعا الدوا الخاص بالسخونيه والمسكن سيتال ودا كان 4 نقط فى اليوم بس او على حسب الحاله من مره ل 3 مرات وابتدا فى الشهر الرابع ياخد فيدروب فيتامين د 4 نقط بالفم مره فى اليوم والاكل كان سريلاك رز وبطاطس مسلوقه ملحوظه حياخد سريلاك او هيرو بالارز والذره بيدا الاكل بمعلقه واحده ووقتها بعد الضهر وتزيد تدريجيا على مدار الاسبوع ثم ترحل الى قبل النوم البطاطس مسلوقه ومهروسه لمده 5 ايام ثم بطاطس مسلوقه ومهروسه بالاضافه لكوسا مسلوقه ومهروسه لمده اسبوع ثم تفاح مسلوق كمان ممكن ياخد مياه التمر ينقع التمر فى الماء ويصفى ويشرب الطفل ماءه ودا يساعد فى الامساك وتلين المعده ونستمر على الاكل والفيتامين ده لحد مايتم 6 شهور ندخل فى الشهر السادس حنديله ديكال دا كالسيوم 2 ونص ملى بالفم مره واحده فى اليوم والاكل بيكون كالتالى بعد ما يتم الشهر السادس ياخد سريلاك قمح بالتناوب مع سريلاك ارز دا لمده اسبوع الاسبوع اللى بعده ياخد موز مهروس وعصير برتقال الاسبوع اللى بعده ياخد صفار البيض مسلوق جيدا نركز على مسلوق جيدا على الاقل ربع ساعه ع النار مع قطعه جبنه مثلثات بيتم هرس الصفار مع الجبنه المثلثات ويبدا ياكلها وكمان بتبدائى تدخلى كبده الفراخ وقطعه صغيره من صدر الفرخه فى البطاطس المهروسه الاكل ده بالاضافه لاكل الشهر اللى قبله الشهر ال 8 بالاضافه للسابق نزيد للخضار جزر وبطاطا البطاطا تسلق لوحدها وتاكل لوحدها وكان عندنا بنضيف قطعه صدور الفراخ وكبده الفراخ وصفار البيض وعندنا الجبنه المثلثات وعندنا التفاح والموز وعصير البرتقال وحنزود كمثرى مسلوقه ومهروسه ممكن تدخلى شويه ارز مسلوقين ومضروبين مع الخضار الفيتامين ديكال بنفس الجرعه ونوقف الفيدروب وندخل مكانه الحديد وحيكون اسمه هيروفيرين ودا مقداره نصف قطاره بالفم مره فى اليوم ودا حيغير لون البراز ويخليه غامق ماتقلقوش كمان حنبدا ندخل سريلاك الفاكهه يبقى كدا واخد ارز وقمح وفاكهه وكمان ندخل فى الخضار قرع العسلى والخرشوف وندخل حته ارانب ممكن للاكل والفاكهه نزيد كمان العنب كل ده من اول الشهر التامن تمام كدا حنبدا فى الشهر التاسع نرجع تانى الفيدروب مع الديكال بنفس الجرعات ونوقف الحديد وندخل فى اكل الطفل السمك مع كل الاكل السابق فى الشهر العاشر او 11 ندخل اللحمه مسلوقه ومهروسه ونستمر فى الفيتامينات لحد مايتم سنه مع الاكل السابق كله
حتقولوا الزبادى الزبادى فيها انزيم مضر بمعده الطفل قبل عمر سنه يعنى يبتدى ياخدها فى سن سنه عادى وطبعا من بعد سن سنه ياكل كل اكل البيت عادى وانا هنا توقفت مع الدكتور فى مصر وهنا لو الدكتور بقى فى جديد معاه حبقى ادخل واضيف هو مستمر هنا على الفيدروب مع الكالسيوم
جدول اكل الرضيع من عمر اربع شهور لعمر السنه
