السلام عليكم ياحلوااااااات
قالولى رافع راسك وعنيك قوية قلتلهم العفو كلنا بشر بس ده طبع الاسكندرانيه
انا بصراحة مش محتاجة اقولكوا انا بعشق اسكندرية ازاى
بعشقهااااااااااااااا والعشق فيها مش كفاية
[وحدهم المديرون لديهم صلاحيات معاينة هذا الرابط]
بموت فى ترابها وهواها وشوارعها وناسها وبحرها وجوها وفى كل حتة فيها
[وحدهم المديرون لديهم صلاحيات معاينة هذا الرابط]
وافخر جداااااااااا انى اتولدت وعايشة وان شاء الله هموت فيها

اصل الاسكندرانى ده زى السمك لو طلع من البحر يموت
احنا كمان مانستحملوش ولو يوم بعيد عنها


انا بصراحة من وانا فى كلية الاقى ناس بتفتح الكلام وناس بتكسره

وانا بقى كنت ومازلت بأصر انى افتحه لفخرى واعتزازى بأى حاجة تخلى الناس تعرف انى اسكندرانية اصيييييلة
[b][b][size=21][size=25][b][وحدهم المديرون لديهم صلاحيات معاينة هذا الرابط][/b][/size][/b][/b]

فحبيت اجيبلكوا شوية كلمات من اللهجة بتاعتنا والاختلافات بينا وبين المصاروة حبايبنا بردو
[وحدهم المديرون لديهم صلاحيات معاينة هذا الرابط]
بس معلش بقى يعنى كدة بالصلاتو على النبى احنا مافيش حد قدنا

ههههههههه

[وحدهم المديرون لديهم صلاحيات معاينة هذا الرابط]



[b]قالولى رافع راسك وعنيك قوية قلتلهم العفو كلنا بشر بس ده طبع الاسكندرانيه

[/b]


[وحدهم المديرون لديهم صلاحيات معاينة هذا الرابط]


انا هطالب رسميا على فكرة ان القاموس ده يتدرس فى المدارس ولا لهجتنا اقل من الفرنساوى ولا الانجليزى
ودول ييجوا ايه فى علاوتنا ونغاشتنا بس ياناس


نبتدى بسم الله
مع العلم ان مش
كل الحاجات اللى هنقول عليها الناس كلها بتقولها انا عن نفسى حاجات كتيير
منها مابقولهاش لكن على الاقل ناس حواليه بيقولوها
[وحدهم المديرون لديهم صلاحيات معاينة هذا الرابط]

اولا احنا عندنا كل الكلام مفتوح مش مكسور ومن غير مياصة رجالة رجالة يعنى وجدعان اوى ونحبوا نجيبوا م الاخر
[وحدهم المديرون لديهم صلاحيات معاينة هذا الرابط]

يعنى مثلا بنقولوا
انا شربت ana sharabt
مش ana shrebt


بنقولوا
وصلت wasalt
مش weselt

نقولوا
ركبت rakabt
مش rekebt

وفى معظم الوقت بنتكلموا على ان احنا جمع

شوف حتى كلامنا عاطفى وكله حب

يعنى نقولوا مش نقول
نتكلموا مش نتكلم
نروحوا مش نروح
ناكلوا ونشربوا ونعملوا والخ الخ الخ
[وحدهم المديرون لديهم صلاحيات معاينة هذا الرابط]

كمان بنقولوا

فلافل=طعمية

جنى=جنيه

الإمة=الناصية

جومة=أستيكة

مستيكة=لبان

الدنيا بتشتى=الدنيا بتمطر

سدق=سجق

عيش باللحمة=حواوشى

شى=شاى


منافيستو=برشام
((بتاع الامتحانات مش بتاع الصداع ههههه))


مشروع=ميكروباص
وعلي فكرة ده حل اسكندراني أنشأ في السبعنيات من القرن الماضي

كيسة=شنطة

رشاقة=علاقة

أطات=سوالف

شط=شاطىء

تاكس=تاكسى

ولا=ولد\ياض

ع البحر= على الكورنيش

كولا=ياقة القميص يعنى

نص جنى=50قرش

صاغ=قرش

شبط فيا= مسك او اتعلق فيا
زى مابنقول كدة ياختشى الواد شبط فيا قمت جايباه معايا

عناب=كركديه

شاى بلبن=شاى بحليب

طيارى=بسرعة

الكوفرته=الكفرتايه

جيلاتى=ايس كريم

ايشانى\زلزلى= السيراميك

عصبان=منبار


قفطان=جلابية رجالى

خرقة=؟؟؟؟قماشة للمسح
((وترجعوا تعايبوا علينا عشان بنقولوا أحيه))

شوقة=شقة

سفندى=يوسفى\يوستفندى

انا فطرت\انا فاطر=انا فطران

انى=انا
بس قليلة اوى دى بالذات


كرنبيت=قرنبيط

مولة السرير=عوارض او الواح السرير

نابوليا=الموبيليا

هريسة=بسبوسة
بس على فكرة احنا عندنا الهريسة دى حاجة غير البسبوسة اصلااااا


باسطة=جاتوه

تربيعة=ايشارب الراس الصغير

طجين=طاجن

شوار العروسة=جهاز العروسة

كراكون=قسم البوليس

الكات الاول=الدور الاول

بص=خد تعالى عايزك

هيما=ابراهيم

بورام=صايع يعنى وهارش
هههههه

انبوبة=بمبة البوتجاز

اات\عات=هات
فى المناطق الشعبية

انت اتجنيت=انت اتجننت

هشمطك كف=هديك كف على وشك طبعا
يعنى بالقلم
ههههههه

يزاول=يشتغل حد او يضحك عليه

[b]
طماطم=قوطة

شلم=5صاغ \شلن

عركة=خناقة

محما=دلع او اختصار لاسم محمد

وبردو

حمو=دلع محمد

أحما=احمد

جبنة تركى=جبنة رومى

نولع النور=نقيد النور

بوليعة=بلاعة

فى صوبعى=فى صباعى

الكروانة=طبق غسيل

راكيت=كرة مضرب

إنزاااح=اتاخر او خدلك جنب يعنى


يألس=يتريق

سراحة=تسريحة

اللارباع بتخفيف وتدليع وتمييص الراء=الأربعاء


قولتلك بخطف اللام وخفتها=قولتلللك بتتقيل اللام

وكمان
شربات بترقيق الراء وترقيق التاء=شربااط بتضخيم كله
ههههههههه
[/b]



المفاجأة بقى اللى مايعرفهاش ناس كتيييييييييييييييييييير
[وحدهم المديرون لديهم صلاحيات معاينة هذا الرابط]
ان احنا مابنقولوش ايوووووووووووه كتير زى ما الناس متخيلة
[وحدهم المديرون لديهم صلاحيات معاينة هذا الرابط]
احنا بنقولوا أحييييييه اكتر بكتييييييييير
[وحدهم المديرون لديهم صلاحيات معاينة هذا الرابط]

بس على
فكرة ومش عايزة حد يغلط انتوا بقى اللى نيتكوا وحشة لكن احنا عندنا الكلمة
دى عااااااادى جدا ووبنقولها اكتر من ايووووووووه اصلا
[وحدهم المديرون لديهم صلاحيات معاينة هذا الرابط]
و اصل الكلمة مش عيب اساسا ودورا
وانتوا تعرفوا على فكرة والله انا دورت واتأكدت بالأدلة القاطعة انكوا
بتتهمونا ظلللللللم واحنا اصلا مافيش فى ادبنا ولا اخلاقنا على فكرة
[وحدهم المديرون لديهم صلاحيات معاينة هذا الرابط]

واللى هينقل موضوعى هنسيحوا دمه وهنخفوه من ع الوجود انا بقالى ساعتيييييييين عمالة اجمع فيه يااااجودعاااان

[وحدهم المديرون لديهم صلاحيات معاينة هذا الرابط]

وماتنسوش التقييم يا أحلى فتوكات الاسكندرنيات واللى مش اسكندرنيات
[وحدهم المديرون لديهم صلاحيات معاينة هذا الرابط]
الصفحة بتاعة الموضوع على الفيس بوك
واللى يعرف حاجة تانية يقولهاوانتو يابنات اسكندرية قوليلنا انتى بتقولى ايه ومابتقوليش ايه
والبحر بحرنا وماحدش أحلى وأجمل وأجمد مننا
[وحدهم المديرون لديهم صلاحيات معاينة هذا الرابط]
واقروا الفتحة لأبو العباااااااااااااااااااااااااااااس يا اسكندرية يا أجدع ناس
[وحدهم المديرون لديهم صلاحيات معاينة هذا الرابط]
قالولى رافع راسك وعنيك قوية قلتلهم العفو كلنا بشر بس ده طبع الاسكندرانيه
منقول