انت الآن تتصفح منتدى الستات

اخر المواضيع منتدى الستات

حظك اليوم الاثنين 19-10-2015 كل الابراج بالتفصييل ملف كامل لكل ما تحتاجه العروسه فى الجهاز Icon_minitime

الأحد أكتوبر 18, 2015 7:41 pm من طرف

تحميل وقراءة كتاب هموم البنات pdf للكاتب ايمن الحسينى ملف كامل لكل ما تحتاجه العروسه فى الجهاز Icon_minitime

الأربعاء أكتوبر 14, 2015 11:18 pm من طرف

اخبار الطقس ودرجات الحرارة اليوم فى مصر الخميس 15/10/2015 ملف كامل لكل ما تحتاجه العروسه فى الجهاز Icon_minitime

الأربعاء أكتوبر 14, 2015 11:08 pm من طرف

توقعات الابراج فى شهرتشرين الثانى,نوفمبر 2015 كل الابراج بالتفصييل,abraj ملف كامل لكل ما تحتاجه العروسه فى الجهاز Icon_minitime

الأربعاء أكتوبر 14, 2015 10:38 pm من طرف

سعر الذهب اليوم فى السوق المصرى الاربعاء 14/10/2015 ملف كامل لكل ما تحتاجه العروسه فى الجهاز Icon_minitime

الثلاثاء أكتوبر 13, 2015 8:30 am من طرف

مشاهدة -تغطية كل #اخبار برنامج #ستار_اكاديمى 11 ,Star Academy 11 ,مشاهدة قناة ستار اكاديمى بث مباشر 24/24 ساعة ملف كامل لكل ما تحتاجه العروسه فى الجهاز Icon_minitime

الثلاثاء أكتوبر 13, 2015 8:17 am من طرف

توقعات الابراج فى شهرتشرين الثانى,نوفمبر 2015 ,abraj ,توقعات نجلاء قبانى شهر نوفمبر تشرين الثانى 2015 ملف كامل لكل ما تحتاجه العروسه فى الجهاز Icon_minitime

الثلاثاء أكتوبر 13, 2015 7:52 am من طرف

الابراج اليوم الخميس 22-1-2015 ,كل الابراج بالتفصيل,abraj ملف كامل لكل ما تحتاجه العروسه فى الجهاز Icon_minitime

الأحد مايو 31, 2015 5:11 pm من طرف

الابراج اليوم الجمعة 23-1-2015 ,كل الابراج بالتفصيل,abraj ملف كامل لكل ما تحتاجه العروسه فى الجهاز Icon_minitime

الأحد مايو 31, 2015 5:11 pm من طرف

الابراج اليوم السبت 24-1-2015 ,كل الابراج بالتفصيل,abraj ملف كامل لكل ما تحتاجه العروسه فى الجهاز Icon_minitime

الأحد مايو 31, 2015 5:10 pm من طرف

تم النشر بقلم :شوشو:السبت مايو 28, 2011 12:31 am - -

المشاركة رقم: #1

شوشو

المدير العام

تواصل معى

بيانات اضافيه [+]

12080

04/05/2011

المدير العام

لوني المفضل : Tomato

ملف كامل لكل ما تحتاجه العروسه فى الجهاز

[size=21]ازيكم ياعرايس

مش عارفه هتجيبي ايه فالجهاز
او جبتي بس مش عارفه ناقصك حاجه او لا ؟

تعالي معايا وشوفي
.
.
.
.
.
.
انا فكرت و قررت اساعد العرايس الحلوين
واقولكم كل حاجه بتتجاب فالجهاز بتاع العروسه
يعني كام طقم كذا و كام طقم كذا وهكذا

ودعواتكم بقى
وطبعا كل واحده حسب ميزانيتها وحسب سلو بلدهم ايه
بالنسبه للاعداد فانا كاتبه تقريبا المتوسط

يلا نقول بسم الله

المفروشات و الفوط [/size]

6-10 طقم ملايه كبيره
4-6 طقم ملايه صغيره لو عندك غرفة نوم اطفال
2 كوفرته كبيره
1طقم كوفرته صغيره
1-2 بطانيه ماتجبيش دابل عشان بتبقى تقيله جدا وبتكبس على النفس
2-3 بطانيه خفيفه اللي شبه الملايه دي عشان تفرشيها على السرير فالشتا بتدفي جدا
1-2 لحاف فيبر كبير
1 طقم لحاف فيبر
2-3 مفرش سرير كبير
1طقم مفرش سرير صغير
24 فوطه
2 بشكير
2 برنس حمام
مفارش للدولاب
مفرش لطربيزة المطبخ لوعندك
طقم مفارش 5قطع لغرفة النوم
مفارش للنيش
2مفرش سفره
مفرش للصالون
وممكن تحتاجي مفارش تانيه حسب العفش عندك

الملابس

تنويع الالوان و الخامات و الموديلات حاجه مهمه جدا جدا

الصيفي:

هقولك الانواع وانت شوفي العدد اللي انت عايزاه
جيبه قصيره
هوت شورت
بديهات
بنطلون استرتش
بنطلون جينز اسكني
3-5 قمصان قطن قصيره اللي هى زي الجلاليب بس بتبقى قصيره وحملات كده عشان وانت بتنضفي مثلا
2-4 بيجامات عاديه قطن او ساتان عشان تستري نفسك اما يكون عند ال*** بدل ما الراجل يتعب نفسيا يا سلام!
1-2 روب ساتان بكم عشان لو حد طب عليكم وانت لابسه حاجه عوريااانه تلحقي تستري نفسك هههههههههه

الشتوي:

2-4 بيجاما وبلاش تجيبي جلاليب عشان ماتبقيش شبه ام ستوته جلا جلاهههههه
1-2 روب شتوي
بديهات شتوي
2-3 كولون تلبسيه تحت الهوت شورت او الجيبه القصيره بيبقى تحفه بجد وبيدفي
2-4 شراب صوف او بوكليت
2 لكلوك شتوي هاتي حاجه شكلها لذيذ قطه مثلا دبدوب كده بلاش العادي من باب الدلع يعني j

لانجري و داخلي:الله عليكي

6 طقم داخلي اندروير و والبرا دول دلع كده فاليت مش بتوع الخروج
6-12 اندر وير عادي قطن او دانتيل اللي بيريحك
4-6 برا قطن او دانتيل او ساتان زي ماتحبي بس حاجه ماسكه نفسها كده عشان يكون شكلك حلو وانت خارجه
4 قميص نوم طويل
4-6 بيبي دول
4-6 قميص نوم قصير

الخروج:

هاتي طبعا كذا طقم بس ديما اختاري الحاجه الشيك وتبقى الوان متناسقه و هاتي موديلات مختلفه
وتجيبي كذا لون وطبعا الطقم يتجاب كااااااااااااااااامل عشان ماتحتاسيش اما تيجي تلبسي وتلاقي حاجه ناقصه
يعني الطقم يبقى البلوزه بالبنطلون او الجيبه والطرحه ولو محتاج بدي والشوز والشنطه
عشان تبقي شيك كده وجوزك يفرح بيكي
ولو متجوزه فالشتا هاتي شتوي بس ولو فالصيف هاتي صيفي بس
لانك ماتعرفيش ممكن جسمك يتغير ممكن ربنا يرزقك بحمل فيبقى جبتي الحاجه واتركنت وخلاص
فانت اتفقي مع مامتك انكم تجيبو لبس الفصل اللي انت فيه واما يجي الشتا او الصيف تنزل تجيبلك باقي اللبس بتاعك

الاجهزه الكهربائيه

نصيحه بلاش تجيبي الكتشن ماشين
لانها بتكون ماتور واحد لكل الاجهزه فلو باظ يبقى كل الحاجه باظت

فانت هاتي كل جهاز لوحده

- خلاط
- مضرب بيض
-مفرمة بصل وملوخيه
- غلاية مايه
عجانه و عصارة فاكه بس دول مش لازم
-ماكنة زبادي بجدمفيده جدا بالذات فرمضان ابتسام جميل

ادوات المطبخ

- طقم حلل استالس التوحيد والنور فيه اطقم تحفه
- طقم حلل صاج اللي بيبقى ملون ده ممكن تجبيه او لا حسب الميزانيه
- 2 حله تيفال للرز
- طقم اطباق اركوبال او ازاز (اياكي تجيبي ميلامين مضر بالصحه)
- طقم معالق استخدام
- طقم معالق غرف اللي هو بيبقى كبشه ومقصوصه وكده
- طقم كنك
- براد
- 2 طقم كوبايات شاي
- طقم قهوه
- طقم شاي
- طقم شفشق بالكوبايات للعصير
- طقم كوبايات مايه
- 2 ماج للشاي واللبن
- 2 ماج شوربة لو عايزه
- طقم صواني تقديم
- 2 صنيه تيفال
صنية بيتزا
- قوالب كيك
- طقم صواني بايركس
- مصفة مكرونه استالس
- طقم مصافي صغيره للمشروبات
- طقم مصافي مطبخ كبيره
- السكاكين 6 عادي و 6 مشرشر
- قطاعة الخضار هاتي اللي بتبقى باغه زي الازاز كده ماتجبيش الخشب ولا البلاستك العادي عشان مش كويسه على الصحه
- علب بلاستك بقى للتلاجه
- اكياس بلاستك للتلاجه
-صفاية رز بلاستك
- اكياس سودا للزباله
- ورق عشان التحمير
- ورق فويل للبوتاجاز
- ورق فويل للاكل
- اكياس فرن
-رول بلاستك تغليف
- باسكت زباله ماتجبيش الكبير قوي هاتي الوسط احسن
- اطباق بلاستك لغسيل الخضار والفراخ كده
- طقم طواجن فرن للرز المعمر وكده
-طاسات (واحده صغيره للبيض وواحده وسط وواحده كبير وطبعا يكونو تيفال)
-مقص مطبخ
-مسن سكاكين
-برطمانات ازاز
-طقم توابل
-مبشرة بصل
-مبشرة جوزة الطيب
-مقوار كوسه
-مقوار بتنجان
-معالق خشب
-مكاييل
-فتاحة علب
-فتاحة بيبسي
- قشارة بطاطس
- هراسة ثوم
- عصارة برتقان او تجبيها اللي بالكهربا زي ما انت عايزه
- قشارة سمك
- مضرب بيض يدوي
-مخرطة ملوخيه
-مفارش صواني
-قواعد خشب للحاجه السخنه
-مساكات وجوانتي للسخن
-مريلة مطبخ
-جوانتي بلاستك للتنضيف
-ليف اطباق
-ليف سلك
-اعواد خشب بتاعة الشيش طاووق
-شياطه
-حوامل بتوجاز
-هون لدق التوم

النيــــــــش

المهم النيش لازم تكون حاجته الوانها متناسقه وشيك
- طقم الصيني الكامل بتاع السفره
- طقم معالق اللي بيبقى فشنطه
- طقم الشربات (شفشق+6 كاسات(
- طقم شاي بالجاتوه
- طقم قهوه
- ممكن طقم كاكاو (بيبقى زي القهوه كده بس معاه براد(
- اكسسوارات (كرستالات صغيره - فضيات الحاجت دي(
- 3 طقم كاسات محترمه وهاتي كمان طقم ولا اتنين استخدام
- طقم خشاف (سلطنيه كبيره+6صغيرين) وهاتي واحد كمان استخدام
- 3 صواني محترمه كده للتقديم اما يكون عندك ضيوف
- طقم كوبايات ميه ممكن تجيبي طقم ازاز محترم وطقم كرستال

وطبعا وانت بتفرشي تحطي مفارش مطرزه تحت الحاجه
وتكون لايقه على مفرش السفره الاساسي

الاجهزه المعمره

انا هقولكم الاجهزه واحسن الماركات فيها عن تجربة شخصيه وتجارب الاهل

-تلاجه وايت ويل
-غساله هدوم اريستون
-غسالة اطباق فرش حلوه قوي الصغيره بتاعة الاطباق بس ب1200 جنيه والكبيره بتاخد الحلل كمان بس معرفش سعرها كام بصراحه
-مكنسه كهربا انا عندي بناسونيك برميل بجد تحفه تحسي انها هتشفط السجاده ابتسام جميل
-تلفزيون ال جي او بلوتو ماركه مش معروفه قوي بس حلوه ومجرباها فالشاشات الفلات روعه
-تليفون لاسلكي بناسونيك بس غالي شويه او كويك تيل المصري حلو برده
-سخان يونيفرسال
-بتوجاز يونيفرسال
-مكيف يونيون اير او فرش سعره حلو وكويس عندي فاوضة النوم بيخليها تلج بصراحه
-ممكن كمبيوتر لوعايزه ابتسام جميل

ادوات النظافه المنزليه

و المنظفات

مقشه خشنه للسجاد
مقشه ناعمه للبلاط
جاروف بالمقشه بتاعته
باسكت زباله للمطبخ – الحمام – الانتريه – الصالون – غرفة النوم
جردل بالعصاره
فرشة بلاط
فرشة تواليت
فرشة شيش
زعافه للسقف
سبت للغسيل المش نضيف
طبق غسيل
جلانس
جليد ملمع الخشب
ديتول
اوفي منظف افران او جيف
جنيرال للارضيات
داك منظف تواليت
صابون اطباق

الاكسسوارات

للبيت

حلقان تليق على قمصان النوم
خلخال فضه او دهب صيني عشان يفضل فرجلك علطول والفضه بيبدا من 50 جنيه وانت طالعه

للخروج لو بتحبي تلبسي اكسيسورز فالخروج
اعقاد
انسيالات او غوايش
خواتم
ساعات
توك
بنس شعر

العنايه الشخصيه

مقشر للبشره للوش
ملح حليب الصويا مقشر للجسم هتلاقيه عندبتوع المكياجات و البرفانات
ماسك منظف للوجه
تونر (قابض لمسام الوجه)
مزيل مكياج
كريم مرطب ليل اولاي
كريم مرطب نهار اولاي
صن بلوك لاتزيد نسبته عن 50 او 60 % فوتوديرم
لوشن مرطب للجسم
كريم مرطب لليد والاظافر
كريم مرطب للقدم
كريم مرطب للمنطقه حول العين
شاور جل
شامبو بدون بلس (البلسم مضر بالشعر استخدمي بداله حمامات الكريم والزيت)
صابون عادي
صابون بزيت الزيتون
ايزي سويت او كريم لازالة الشعر حسب انت متعوده على ايه
سيلكابيل لو بتستخدميها حسب برده انت بتحبي تستخدمي ايه فازالة الشعر

المكياج

طبعا انت اختاري الاوان اللي ماشيه مع لون بشرتك و لبسك سواء البيت او الخروج
ونصحيه اخويه ماتجبيش علبة المكياج الكامله ابدا عشان زي قلتها ومش هتستخدميها كلها
وبتقعد بالسنين فالواحد بيزهق منها وكمان تاريخ صلاحيتها ممكن ينتهي قبل ماتخلص
فانت هاتي المكياج بتاعك فرداني كل حاجه لوحدها كده احسن بكتير وكمان عشان
مش كل الماركات كل حاجتها حلوه فانت تختاري الكويس من كل ماركه

منكير الوان تليق على لبس البيت
أي شادو
روجاجو (البلاشر)
روج
جلوس
كحل اسود فضي واي لون بتحبيه
بودره للوجه
ماسكارا
بودره للجسم
كريم اساس (الفونديشون) ايف سان لوران
6-10 بارفانات

الرفااااااااااااااااايع

ملقاط
علبة بادي كير
ابر خياطه
خيط بيج اسود بني ابيض
مقص اظافر
قصافه
دبابيس طرح
مشط
فرشة شعر
فرشة ملابس
اسيتون
ورنيش احذيه اسود بني شفاف
سفنة تلميع احذيه
قطن عشان اما تيجي تشيلي المنكير
قطن ازالة المكياج بيبقى قطع مدوره كده
البتاعه اللي بنضف بيها الودان معرفش اسمها ايه بصراحه انا بقول عليها كده j
علبة زراير عشان لو فيه زرار من قميص جوزك وقع تلاقي زرار تركبيه j هتلاقي
علبه كده فيها زراير كتير الوان واحجام عند محلات أي حاجه ب2ونص
حوامل اطباق شفافه عشان اماتيجي ترصي الحاجه فالنيش

تعليقات القراء

‏

الموضوع الأصلي : ملف كامل لكل ما تحتاجه العروسه فى الجهاز // المصدر : منتديات الستات // الكاتب: شوشو

توقيع : شوشو

الإشارات المرجعية

Twitter	Google	Facebook	StumbleUpon
del.icio.us	Digg	Yahoo	Live

الــرد الســـريـع

مواضيع ذات صلة

«الموضوع السابق|الموضوع التالي»

تعليمات المشاركة
صلاحيات هذا المنتدى: لاتستطيع الرد على المواضيع في هذا المنتدى BB code is متاحة الابتسامات متاحة كود [IMG] متاحة كود HTML معطلة قوانين المنتدى