معلومات مهمه لكل بنوته قربت تتخطف او تتجوز


موضوع النهارده لكل بنوته عموما وللمخطوبات والمقبلات على الزواج خصووووووصا

انا كتبت الموضوع ده بجد ﻷني بتسأل فالحاجات دي كتير فحبيت الكل يستفاد ﻷنها حجات مهمه ولوعملناها حتوفر علينا تعب كتير

حتكلم للبنوتات المقبلين على الجواز لا انا عارفه ان العروسه من اول ما بتتخطب بيشغلها حاجات كتييييييير الجهاز والبيت وشكل الفرح وشكلها يوم الفرح بس للأسف طول الفتره دي بتفتكر كل حاجه وبتنسى نفسها وتفتكر اخر شهر قبل الفرح وتعقد تطلب الوصفات السحريه الي تخليها حلوه وجسمها وشكلها جميل فالفستان وبشرتها المرهقه من الشرا والفرش
وعايزه كله يبقى تماما قبل الفرح

طيب انا ححاول اساعدها فالحاجات الي اقدر عليها بحيث تيجي اخر وقت وهي مش محتاجه غير تاتشات بسيطه تبرز جمالها

*اولا كده يا عروسه يا اموره عايزاكي تاخدي بالك من حاجات مهمه جدا حتحافط على بشرتك ونضارتها ونعومتها من وحتبقي قمر منور يوم فرحك

بصي معايا اهم حاجه حفضل اتكلم عنها مش حبطل هيه الميه الميه الميه شرب الميه عامل اساسي للحفاظ على جمال ونضاره ونعومه وشباب بشرتك وحتخلص جسمك من السموم وتمنع التسققات فالجلد
كمان من اﻷسباب الرئيسيه في تكوين السيليوليت عدو البنات هو عدم شرب الميه بصوره كافيه
كمان تكون الدهون وتوزيعها بصوره غير مرغوبه سببه عدم شرب الميه بصوره كافيه
طيب المفروض نشرب اد ايه؟؟؟؟؟
2كوب عالريق ينظف الجسم من السموم وينظف القاولون وينشط الكبد ويظبط ضغط الدم
بعد كده كل ساعه كوبايه مسؤله عن نضاره وجمال وليونه بشرتك ولما حتجربي حتدعيلي

* شوفي كمان في بنات كتير بتشتكي من ان مجهود الفرش اوالرجيم خسس وشها وده من اﻷسباب الي بتخلي بنات كتير تخاف من الرجيم قبل الفرح ﻷن اول حاجه بتخس وشها
حقولك تعملي ايه استعملي زيت الزيتون في اكلك وعالسلطات خصوصا ﻷنه بيدعم الدهون النافعه وبيقلل الدهون الضاره وبيدي جمال ونعومه ونضاره للبشره ويكفينا انه وصانا بيه النبي خدي النيه وتاخدي ثواب ببلاش

* اكل الخضراوات عموما بكل انواعها بتدي جمال ونضاره وحيويه لبشرتك ﻷن غذا البشره اساسها من الداخل مهما عملتي من الخارج واهملتي الداخل مش حيكون له تأثير يرضيكي
كمان اكل الفاكهه وخصوصا الي فيها مضادات اﻷكسده زي الحمضيات البرتقال والفراوله والكيوي .....

* حافظي دايما على ترطيب بشرتك مش الوجه بس ﻷ جسمك عشان تتفادي ظهور علامات التمدد الي بتحصل فالحمل وبتكون مأساه في حياه البنت من الصعب علاجها
افضل شيء ترطبي بيه زيت الزيتون او حتى تخلطيه بايي حاجه تحبي ترطبي بيها سبحان الله اكتشفوا ان ده الزيت الوحيد الي يخترق الجلد ليصل للعظم
ويكفينا زي ماقلت اتباع السنه وناخد ثواب ببلاش لان النبي وصى بالدهان بيه

*حاجه مهمه جدا كمان هي ان اعصاب البنت فالفتره دي بتكون متوتره من الضغوط والوضع الجديد الي حتكون فيه طيب انصحها بمقوي ومغذي اﻷعصاب اﻷساسي وهو فيتامبن (ب) مركب طيب نلا قيه فين؟؟؟؟
هو موجود بوفره فالخميره هاتيه اقراص من الصيدليه او حتى طازه المهم داومي عليه دوبيها فلبن واشربيها بالليل
كمان بتنفخ الخدود والجسم حتى لوكنتي رفيعه ده غير تأثيرها الرائع عالبشره

*يابنوتات ربنا يفرحنا بيكم يارب يالي بتشتكي من انها في اماكن بتبرز انوثتها تحب تدعمها *-*
اقولها هرمون أﻷنوثه الي هو اﻷستروجين موجود بوفره في فول الصويا دخليه في اكلك دايما
حتى بينصح بيه السيدات فوق اﻷربعين وفترته انقطاع الطمث ﻷنه بيعوض الهرمونات الي بتقل عندهم

طيب ربنا يكرمك ونفسك اول ما تتجوزي تحملي طبعا كله بأمر الله لكن بناخد باﻷسباب
اقولق واظبي على شرب البردقوش هايل ومنشط للمبايض رائع بجد كمان مهدئ وبيخفض الضغط المرتفع

*طيب لو فيه مشكله في انتظام البيريود عليكي كمان بشرب القرفه بس توقفيها قبل الفرح مباشره ﻷنها بتنزل البيريود

حاجه كمان مهمه جدا ركزي على منتجات اﻷلبان عشان الكالسيوم والحمل تكون صحتك تمام

*كمان التركيز عالحديد وحمض الفوليك قبل الفرح ب3شهور ﻷن حمض الفوليك هوالمسؤل عن تكوين الجهاز العصبي للجنين ومهم جدا في التلات اشهر اﻷولى فالحمل وغالبا البنوته اول شهر مبتكونش عارفه بالحمل فاﻷضمن انها تاخده من قبل الجواز

يارب اكون افدتكم ولو بمعلومه واحده