افكار جديده لترتيب منزلك

[img][/img]


افكار تنضيف الشقه
هما كام خطوه كدا بتزوديهم والشقه بتبقي فله
* هاتي برفان مركز من عند الراجل اللي بيركب عطور وسرنجه واسحبي بالسرنجه واغرزيها في الانتريه والمخده والمرتبه واي حاجه مبطنه عندك وياسلامم بقي لو البرفان اللي جوزك بيحبه تحطي منه في مخدته كل ما هتيجي تقعدي هتلاقي ريحه جميييييله بتملي المكان
* برسيل جل حبيبي حبيبي حبيبي 5 حبيبي امسحي وفي اخر دور ضيفي منه شويه هتلاقي ريحه البيت بقت خرافه وياسلام لو حطيتي في ميه المسح بدل البرسيل جل داوني او برفان مركز وشوفي الريحه اللي بتمسك في البيت
* المكنسه الكهربا نفضيها كويس قوي واغسلي الكيس بتاعها بداوني او برسيل جل ولما ينشف حاجه من التنين يا ترشي فيه برفان اومعطر يا تحطي فيه شويه فانيليا في الكيس من فوق يعني تحت المتور علي طول وشمش بقي الريحه الخرافه وانتي بتكنسي كل مره
* بما ان عفشي كان غامق جدا فكنت بجيب بخاخ ملمع اسمه موارا ب6 ج بيكفي كتيييييييير وبخلي العفش نضيف وريحته تحفه
* الغساله الاوتوماتيك كل اول شهر بتعمليلها دوره علي الفاضي وتحطي فيها ازازه خل وب 2 جنيه ملح لمون
* مع الغسيل الابيض حطي ملح لمون وشوفي النضافه ومتخافيش علي الغساله بالعكس دا بينضفها وبيشيل الكلس
* خلي في الحمام دايما بخاخه فيها برسيل جل وملح لمون وخفيفيهم بميا وبعد ما تغسلي وشك الصبح رشي الحمام والجدران وكل حاجه وسيبيها علي ما تغسلي سنانك او تتوضي وتتشطفي واشطفيهم بميا ومفيش مانع دعكه خفيفه كدا باي سلكه الحمام عمره ما هيتوسخ
* في لزقه عند بتوع المنظفات للتواليت تتلزق عليه بتخلي الريحه تحفه كل ما ينزل عليها ميا لو معرفتيش تجيبيها هاتي كيس برسيل جل او شويه معطر في كيس واخرمي الكيس كام خرم خفيف كدا وافتحي غطا الكمبونيشن وحطيه فيه كل ما هتضربيه هتلاقي الريحه ملت الحمام
*البوتوجاز غطيه دايما بورق قصدير علشان تقدري تغيريه علي طول والدهون متثبتش علي البوتوجاز
وياسلام لو تحطي علي الغطا بتاع البوتوجاز او تشتري اللزقه اللي طالعه جديد دي عند بتوع المنظفات وبتدي شكل جميل
* الشفاط بقي فكيه وانقعيه في ميا مغليه وبشويه فيري او برسيل واغسليه بسلكه لحد ما الدهون تتشال
وبعد ما ينضف وينشف لفيه كله بورق قصدير بعد كدا مش هتحتاجي تنضفيه يادوب هتغيري القصدير بس
* ازازه الفيري او البريل انا بجيب الفيبا الموفر وبحطه في ازازه بريل قديمه وبخففه بشويه ميا وعليه ملح لمون او كلور بس اوعي الاتنين مع بعض عملتها مره وكنت هتخنق يا ملح لمون يا كلور هيوفر في المنظف وهينضف اكتر وياسلام لو قطعتي كام لمونه وحطيتيها في الازازه هتشوفي لمعان الكوبايات والمعالق
* النجف علي طول تقريبا كل شهر مره بقماشه غرقانه خل بيفضل كانه جديد
* اخر حاجه بقي في معطر للاثاث من ماي واي اسمه بيريز ب8ج بخاخه
وهاتي فرشه من بتوع البدل او فرشه جاروف نضيفه او سفنجه مواعين جديده وبخي علي الانتريه وامسحي بالفرشه وعلي الستاير وبالفرشه وفي الاخر بخي علي السجاد واكنسي السجاده بالمكنسه
ولو ملقيتيهوش هاتي بخاخه عاديه وحطي فيها برفان مركز او معطر جو خام من بتوع المنظفات
لو في فكره عجبتك متنسينيش بدعوه بصلاح الحال وربنا يردني لجوزي لو لينا الخير في بعض