حل مشكله الجنس بين الازواج 



للأسف المجتمع بيعلم الناس إنها ممكن تمارس الجنس لكن ماتتكلمش فيه ودة اللى بيؤدى لفشل 90% من العلاقات الزوجية، القصة بتحصل كدة:
- أداء مش ولابد وغشومية من الراجل
- الست ساكتة وبتلعن الساعة السودا اللى اتجوزت فيها
- المشاكل بينهم بتزيد وهى بتتلكك له على أى حاجة
- كل ما بيحصل بينهم لقاء حميم كل ما تقرف منه وتكره الجنس من أساسه
- لكن هى برضه ساكتة
- تبتدى تتهرب من الموضوع.. أصلى تعبانة.. مش قادرة.. عندى صداع.. عايزة أنام ولو حصل فتبقعد تدعى ان حد من عيالها يصحى وينقذها
- وهى ساكتة
- المشاكل بتزيد وهو مابقاش طايقها ولا طايق البيت وشايف انها ست باردة
- هى مكسوفة ومش قادرة تفتح بقها لكن مابقتش قادرة تمثل انها مبسوطة خلاص
- هو مابيحاولش يفتح معاها أى حوار عن علاقتهم الجنسية لإنه شايف نفسه سبع البرمبة وإنه مقطع بطاقته ومقفل جيماته وهى اللى نمرودة
- هى بتعتقد انها لو قالت له الحاجات اللى بتبسطها يا اما هيشك فيها ويقول عرفت الحاجات دى منين وكإنه متجوز كومودينو مش بنى آدمة وليها إحتياجات، يا إما لو عمل اللى بيسعدها بتعتقد انها هتفضل تحس إن اللى بيعمله صناعى ومش تلقائى وانه علشان يبسطها وخلاص وكإنها بتستكتر على نفسها انه يعمل حاجة علشان تبسطها
- هو يا إما بيخونها يا إما بيقضيها أفلام
- هى يا إما بتخونه على الفيسبوك يا إما "طلقنى"

كوووووول دة علشان مش قادرين يتكلموا مع بعض في حاجة بيعملوها بالفعل!


بس خلاص