العجينه دى اللى بيستخدمها الشيفات فى تزين الحلويات والتورتات
وبيتعمل منها اشكال بالوان تحفه من وردات لقلوب لغيره كتير لتزين الحلويات تعالوا نشوف بتتعمل ازاى طريقه جربتها امبارح وهايله

المقادير
3 اكواب سكر
ملعقه زيت طعام او 2 انا جربت ب معلقه
100 جرام عسل جلوكوز او كورن سيرب
معلقه او نص معلقه ماء
الطريقه
اولا حتحطى كل من الجلوكوز والزيت والماء ع النار حتسبيهم لحد ما تحسى انهم حيبداوا يغلوا
تكونى انت طاحنه السكر طحن ناعم جدا
وتروحى واخده منه كميه على حسب ما تحتاجى وتحطيها على الخليط اللى ع النار وتقلبى بسرعه لحد ما تلم معاكى وتحسى انها بقت عجينه اطفى النار
وتعالى على الرخامه ورشى نشا وحطى عليها العجينه دى وابدئى ضيفى كميه تانيه من السكر البودر واعجنى وافضلى رشى ع الارخامه نشا علشان العجينه ماتلزقش وضيفى السكر البودر لحد ما تحسى انها اتعجبت ولمت ومابتلزقش فى ايدك

دى كدا عجينه السكر لحفظها لفيها فى ورق نايلون علشان ماتنشفش
وللاستخدام لو تحبى تلونيها من الحلوانى هاتى الالوان اللى تحبيها وخدى حته من العجينه واعجنيها لحد ما اللون يبقى مظبوط
للاستعمال حتفرديها بالنشابه وماتنسيش بترشى نشا على الرخامه وع العجينه علشان ماتزلزقش فى النشابه وانت بتفرديها

تقدرى تقطعى منها وتعملى الاشكال زى ماتحبى