زيّني الطبق بعيدان الكزبرة الخضراء


لكل زوجة تبحث عن الأكلات الجديدة والسريعة في
نفس الوقت، بنقدّم النهارده وصفة وراك الفراخ المشوية مع البطاطس والثوم،
جرّبوها وابعتوا لنا رأيكم فيها..

أوراك الفراخ المشوية مع البطاطس والثوم
المقادير:

• كيلو وراك فراخ مقسومة إلي نصفين
  
• ½ كيلو بطاطس مقطّعة مكعبات متوسطة الحجم
  
• 7 فصوص ثوم مقطّعين لقطع صغيرة الحجم
  
• 2 ملعقة كبيرة زبدة
  
• ملعقة كبيرة توابل
  
• ملعقة كبيرة كاري
  
• ملح وفلفل أسود
  

الطريقة:
1- تبّلي أوراك الفراخ بالملح والفلفل الأسود والتوابل والكاري لمدة ساعة.

2- ادهني صينية باريكس بالزبدة، بعد كده رصّي فيها أوراك الفراخ ومن فوقها حطّي البطاطس وفي الآخر حطّي الثوم.

3-
دخّلي الصينية الفرن على درجة حرارة متوسطة لمدة ساعة ونصف أو لغاية ما
الفراخ يبقى لونها دهبي، وبعد كده طلّعيها وحطّيها في أطباق التقديم..
وبألف هنا وشفا.