تكااااات هتفيدك للشيف (نبيل الشرقاوى) اكثر من رائعه
بصراحة شهادة حق اول شيف يشدنى عشان اتفرج عليه واتابعه ومفوتش حلقة ليه وانفذ كل اكلاته كان الشيف نبيل على قناة نور الدنيا انا لسه شايفاه من فترة قريبة بس من وقت ما شفته بستناه والله ومبفوتش ومعايا كراستى وقلمى وده لانه شيف بسيط ومهذب جدا جدا ومش بيتكلف فى الاكلات بتاعته ومقاديرها موجوده فى اى بيت وعنده بديل لكل حاجة من ثلاجتك ولو الاضافات متقدريش تشتريها يوريكى ازاى تعمليها يعنى بصراحة بحس انه بيعمل اكلات من مطبخ البيت المصرى العادى وبيبسط كل حاجه سواء من خلال طريقة التحضير او المقادير البسيطة بتاعته او من الادوات اللى بيستخدمها وقت الطبخ...
انا هنقلكنم بعض تكاته اللى عجبتنى ومن وقت ما شفته وكل ما اشوف حاجه يقولها هضيفها للموضوع علطووول..
يعنى مثلا الشيف نبيل مش بيستخدم البيض واللبن فى تتبيل المقليات زى (البانيه مثلا) بيستخدم المايه الساقعه وبيقول انها مش بتخلى الزيت يريم وكمان بتحافظ عليه نضييف وميتحرقش وميسودش لحد ما تخلصى قلى ...
ولو مش عندك فرن مروحة وعايزة فرنك تدى نفس النتيجه بتاعتها ممكن تحطى جوه الفرن حله مايه اثناء الاستخدام هتديكى نفس النتيجة لان البخار هيوزع الحرارة جوه الفرن.....
طريقة اللبن المكثف فى البيت (3كوب لبن+3سكر+1.5 ماء)ويضرب المكونات فى الخلاط حتى يذوب السكر وبعدين يترفعوا على النار على نار هادية لحد ما يتكثف الخليط...
وعشان الخضار لونه يفضل فريش معاكى بعد التخزين فى الفريزر تسلقيه ف ميه مغليه نص سلقة وتطلعيه مباشرة فى ميه بثلج وبعدين تشيليه ف الفريزر مش هيغير معاكى ابدا ******
وهنزلكم اكلاته ان شاء الله وكل ما اسمع حاجة منه هنقلهالكم على طووووووول ...
تكااااات هتفيدك للشيف (نبيل الشرقاوى) اكثر من رائعه
