طريقة عمل العيش الفينو والكايزر بالصور

السلام عليكم ورحمة الله وبركاته يااحلي اخوات
بنزلكم عيش الفينو بطريقة مجربة وناجحة والطعم تحفة يتاكل حاف
بسم الله الرحمن الرحيم
المقادير:كيلو دقيق -2ملعقة كبيرة سكر -قطعة خميرة بحجم عين الجمل -فنجان قهوة زيت -كوب زبادي-ملعقة صغيرة ملح ماء للعجن

نعجن كل المقاديربالماء ماعدا الملح نضيفه في وسط العجن علشان ماتبوظ الخميرة ونعجن لمدة 10 دقايق
وعندما نحصل علي عجينة طرية ومابتلزق في اليد نغطيها
ونتركها حوالي نصف ساعةثم نشكلها في صاج علي شكل فينو او كايزر حسب
الرغبة ونرص في مسافات متباعدة ونتركه يخمر
معلش ماصورتش العجينة من الاول انا كنت بعمله للاولاد وبعدين قلت انزله لاخواتي في عالم حواء فصورت متاخر






وهنا بعد ماتركناه يخمر شوفو الحجم





يدهن الوجه بالبيض والحليب ومك نرش بعد الدهان سمسم وحبةالبركة





نسخن الفرن علي نار حاميةقبل الخبز وندخل الصاج الي ان يحمر ولاتغيبي عنه لانه لاياخد وقت كتير
وهنا بعد خروجه من الفرن واليكم الصور تشوفو النتيجة





هنا السادة






وهنا بالسمسم وحبة البركة




وده الكايزر لو ح تعملي هامبرجر





وده شكله من جوة شوفي هش ويفتح النفس ازاي










اتفضلو نفطر سوا ويبقي احلي افطار مع بعض