ولا: طاجن البطاطس والخرشوف باللحمة المفرومة: استحدمت هنا :
كيلو إلا ربع بطاطس صغيرة – كيس خرشوف مجمد مقطع إرباع- طماطم معصورة-لحمة مفرومة
قورت البطاطس وعلى فكرة أنا
ساعات باقطع البطاطس إرباع وباستغنى عن التقوير خالص ودة بيكون أسهل وأوفر
بس للأسف ولادى بيحبوها محشيه كدة فباضحك عليهم وباحط لهم فتافيت لحمة فى
كل بطاطسايه
حمرت البطاطس بالتقوير فى الزيت تاخد لون
ورصيتها على إستحياء فى الطاجن وعلى فكرة لو البطاطس متقطعة إرباع برضه باحمرها
سبكت نصف كيس الطماطم المعصورة
بس بالثوم بس مش
بالبصل يعنى شويه توم على سمن ولما الريحة تطلع بانزل بالطماطم وأغطيها
وأضيف الملح والفلفل الإسود وأسيبها تتسبك وطبعا ممنوع التوم يتلون خالص
يادوب أشم ريحته
وبعد ماتتسبك خالص نزلت بالخرشوف وتقوير اليطاطس وحبة اللحمة المفرومة الباقيين
وباديها كوبايه ميه واسيبها تغلى
وباحطها فى الطاجن
وبادخلها الفرن الفرن لازم تكون حاميه جدا جدا
حوالى نصف ساعة فى فرن حاميه تاخد لون وتتذوق
ودة شكلها بعد ماالذواق ههههههه
ودة عن قريب زوووووووووووووووم
ثانيا : طاجن المسقعة باللحمة المفرومة:
استحدمت هنا :
كيلو إلا ربع باذنجان رومى– ربع كيلو فلفل رومى – بقية الطماطم المعصورة-بقية اللحمة مفرومة- كان نفسى أحط قرنين فلفل حامى بس ماقدرتش أقول إيه حكم القوى عالضيف
حمرت الباذنجان والفلفل فى الزيت
سبكت نصف كيس الطماطم المعصورة
بس المرة دى بالبصل فقط يعنى شويه بصل على سمن ولما الريحة تطلع بانزل بالطماطم وأغطيها وأضيف الملح والفلفل الإسود وأسيبها تتسبك
وبعد ماتتسبك خالص نزلت باللحمة المفرومة
وسيبتها تغلى وتتسبك شويه لإن عندى بيحبوا الباذنجان يكون متغلغل مع اللحمة المفرومة برضه حكم القوى عالضيف وحطيتها فى الطاجن وضفت كوبايه ميه كمان لإنها اتسبكت قوى عالنار
وهنا ضفت الفلفل الألوان وكان نفسى
أحط الفلفل الحامى بس أقول إيه ................................ كملوا
إنتم أكيد حفظتم هههههههههه [ندعوك للتسجيل في المنتدى أو التعريف بنفسك لمعاينة هذا الرابط] وبادخلها الفرن وبرضه الفرن لازم تكون حاميه جدا جدا
حوالى نصف ساعة فى فرن حاميه تاخد لون وتتذوق
ودة شكلها بعد ماالذواق بص الصينيه دى متزوقة مرتين مرة بالفرن ومرة بالفلفل الألوان
ودة شكلها وبصراحة شكلها كان أحلى فى الحقيقة لإن الصورة مش مبينة لون الفلفل الرومى الأصفر كويس أصل المصوراتى كان غشيم حبتين
[ندعوك للتسجيل في المنتدى أو التعريف بنفسك لمعاينة هذا الرابط] أما الحلو بقى فاللى بيحبوا القرع العسلى لازم يشوفوه إجبارى لإن القرع العسلى معمول فى الموضوع دة من غير تقشير و كمان من غير بشاميل
ودة صورته :
طواجن فاخرة يا سلام عليها للعزومات وبربع كيلو لحمة مفرومة بس 
