دورة تعليم اكسسوارات مجاناً وكله بالصور والفيديو حصرى
بسم الله الرحمن الرحيم
أولا عشان نبتدي مشروعنا مش محتاجين لمبلغ كبير في البدايه لاننا بنجرب ولحد ما نبقى محترفين باذن الله ياعني محتاجين حوالي حد ادنى 200 جنية
ثانيا : اماكن بيع الخامات والادوات في القاهرة طبعا مفيش غير العتبة والموسكي بنركب المترو وننزل محطه العتبه ونطلع ناحيه سور الازبكيه ولو سالنا عن العتبة والناس اللي بتبيع الخرز والاكسسوارات الففففف مين هايدلنا عليها تمام
بالنسبة للاسكندرية طبعا مرحتهمش بس اسمع ان في زنقه الستات فيه ناس بتبيع الحاجات دي وفي المنشية في محلات زرارة اعتقد انها مشهورة جدا برضو ببيع الحاجات دي تمام
بعد كده محتاجين عشان نبتدي ادوات اساسية هاتفضل معانا طووول شغلنا ان شاء الله
1- بكرة خيط بلاستيك وده فيه منه جميع الالوان وفيه منه تخين وفيه منه رفيع وفيه منه استك ياعني بيمط وده شكله
[وحدهم المشرفون لديهم صلاحيات معاينة هذا الرابط]
وسعره بيكون في حدود اربعه جنية تقريبا
2- ثانيا هنحتاج حاجه مهمة جدااا ودي اسمها زرادية ذات رأس مدور ( زراديه ببوز مدور) مشهورة جدا في اماكن بيع الحاجات دي وسعرها كان اخر مرة 15 جنية بس من سنة تقريبا الكلام ده او اكتر يمكن غليت بس في الحدود دي ياعني وده شكلها
[وحدهم المشرفون لديهم صلاحيات معاينة هذا الرابط]
ودي اداه مهمة جدا ولازم تكون موجوده عشان هيا اللي هاتدرب ايدينا على الشغل وتطلع الحاجه مظبوطه بالتمام .
3- زرادية عادية صغيرة ودي كانت في حدود 6 جنية بالظبط وقت ما اشتريتها وده شكلها
[وحدهم المشرفون لديهم صلاحيات معاينة هذا الرابط]
4- زراديه عادية برضو انا كنت بوصفهم بالشبة للراجل وانتي لو رحتي المحلات هاتلاقيها محطوطه قدامك على طول اسمها حاجات بتاعت عدة الجواهرجي ودي برضو كان سعرها في حدود 6 جنية او 5 تمااااام يا فتاتيك معايا [وحدهم المشرفون لديهم صلاحيات معاينة هذا الرابط]
[وحدهم المشرفون لديهم صلاحيات معاينة هذا الرابط] الاداه اللي بعد كده وهيا القصافه ودي لقص المسمار المعدن اللي هانتعرف عليه بعد كده في الشغل ودي برضو سعرها حوالي 6 جنية وممكن مبدئيا نستبدلها بالقصافه العاديه بتاعت الاظافر بس تكون كبيرة عشان تقدر تقطع المعدن وده شكلها [وحدهم المشرفون لديهم صلاحيات معاينة هذا الرابط]
5- اخر حاجه واهم حاجه هانحتاجها هي الميزان طبعا المفروض اننا يكون عندنا ميزان ديجيتال بتاع جرامات صغير زي بتاع الجواهرجي زي ده كده
[وحدهم المشرفون لديهم صلاحيات معاينة هذا الرابط]
لكن اذا مقدرناش نوفره في البدايه ممكن نستعمل ميزان البيت وبقى فيه موازين ديجيتال بيتي او حتى بمؤشر ممكن نستعملها وده مهم في ايه بقى عشان نقدر نحسب تكلفتنا لاننا هانشتري اللولي والخرز بالجرام وبالكيلو فلازم لما نيجي نحسب نحسب برضو بالجرام عشان نعرف العقد او الحلق ده كلفنا كام بالظبط
طريقة حساب التكلفه :_
نفترض اننا اشترينا ربع كيلو لولي ب 10 جنية ياعني ( 250 جرام ب 10 جنية ) نقسم العشرة جنية على ال 250 جرام عشان نطلع تكلفه الجرام الواحد كام
10 % 250 = 0.04 للجرام الواحد وبنفس الطريقة بنحسب تكلفه الزرد والمسامير واي حاجه احنا شاريينها هانستخدمها وفيه حاجات بتكون كبيرة بتتباع بالواحده برضو بنحسبها وكمان بنحسب مصاريفنا بنشوف مواصلاتنا كام وبنقسمها على عدد الحاجات اللي اشتريناها في اليوم ده ياعني لو نزلت صرفت مثلا 10 جنية مواصلات واشتريت بس ربع كيلو لولي ب 10 جنية يبقى اضيفها عليه لو اشتريت نوعين خامات لولي وخشب او اي حاجه تانية اقسم العشرة نصين على ربع كيلو اللولي خمسة جنية وعلى الخامه التانية خمسة وهكذا
وكذلك الخيط بكرة الخيط الراجل بيقولك دي حوالي كام متر وبتشوفي سعرها كام وبتقسمي السعر على عدد الامتار
وبكده لما تعملي عقد مثلا بتوزنيه و بتشوفي اخد كام جرام 50 مثلا بتضربيهم في الرقم اللي طلعناه للجرام الواحد ياعني 50 * 0.04
وبالنسبة للخيط بتقيسي بالمازورة اخدتي كام سنتيمتر من البكرة وبتبقي حاسبه السنتيمتر الواحد بكام وبرضو بتضربيه وبكده نكون عرفنا نحسب التكلفه بالتماااااااااام من غير ما ننسى ولا حاجه ولا تضيع مننا حاجه وبعد كده بنضيف مجهودنا زي ما احنا شايفين وعلى اساسه بنحدد السعر
معلش انا طولت في الموضوع ده شوية لان فيه ناس كتير بتحتاس ومش بتبقى عارفه تحسب التكلفه وانا واحده منهم اول ما اتعلمت خسرت كتير عشان كده حبيت اقول الموضوع باستفاضه شوية كتير عشان نبقى على درايه بكل حاجه من الالف الى الياء
هنبدأ ان شاء الله في تعليم أبسط وأول الطرق لعمل اكسسوار جميل وشيك في نفس الوقت
اولا شغل الاكسسوارات مش بيعتمد على تقنيه معينة قد ما هو بيعتمد على الذوق والطابع الشخصي والابتكار اللي بنضيفه على القطعه اللي بنعملها لان الطريقة كلها واحده الناس كلها بتنفذ بيها لكن اللي بيفرق حاجه ويظهرها عن التانية هيا شكلها المميز واختلافها عن الحاجات التقليدية
اول طريقة عندنا هيا طريقة اللضم ( لضم الخامات مع بعضها اللولي مثلا ) ودي بنستعمل فيها الخيط بس وبنعتمد فيها على استعمال خامات مختلفه مع بعضها زي اللولي والاحجار مثلا او اللولي واشكال بلاستيكية معينة او الوان مختلفه من اللولي والطريقة طبعا مش محتاجه صوور لانها بسيطه جداا جدااا ناخد الخيط ونلضم فيه الاشكال اللي احنا عايزينها ورا بعضها ولما نوصل للطول المناسب نعمل عقده متينة ونعيد عليها مرتين تلاته وبس ودي بعض الاشكال اللي هاتوضح الطريقة البسيطه دي
[وحدهم المشرفون لديهم صلاحيات معاينة هذا الرابط]
[وحدهم المشرفون لديهم صلاحيات معاينة هذا الرابط]
[وحدهم المشرفون لديهم صلاحيات معاينة هذا الرابط]
ودي اول واسهل طريقة نعمل بيها اكسسوارات وفيه اكيد منكم كتير عارفها بس انا حبيت ابدأ معاكم دورة كامله من الالف الى الياء
الطريقة التانية وهيا الاساسية اللي هانستعملها في الشغل كله باختلاف اشكاله وهيا باستخدام المسامير والحلقات بمختلف احجامها واشكالها ودي طبعا بتكون اقيم واشيك من طريقة اللضم ولكن نرجع ونقول برضو بنحتاج للضم احيانا في بعض التصميمات وليه مميزاته برضو يلا نبتدي بسم الله
اولا عندنا حاجتين اساسيين غير الخامات بتاعتنا سواء كانت لولي او غيره وهما الزرد والمسامير والزرد ده هو عبارة عن الحلقات المدورة الصغيرة اللي بتشبك المسامير في بعضها وطبعا فيه منها حوالي اربع او خمس مقاسات من اول الصغير خالص لحد الكبيييير خالص وده شكل لاحدى الاحجام
[وحدهم المشرفون لديهم صلاحيات معاينة هذا الرابط]
ثانيا المسمار وهو اللي عامل زي الدبوس وده اللي بتكون موجوده فيه الخرزات او اللولي وبنلفه من الطرفين وفيه نوعين نوع ليه راس مدورة ملفوفه جاهزة والنوع التاني مقفول من الاخر براس زي راس الدبوس الابرة والاتنين فيه منهم مقاسات طويل وقصير وبرضو فيه منهم الوان هما والزرد اكيد ياعني فضي ودهبي ونحاسي بالظبط وده شكلهم [وحدهم المشرفون لديهم صلاحيات معاينة هذا الرابط]
بعد كده عندنا خاماتنا سواء كانت لولي او بلاستيك او اكريلك وطبعا الاشكال لاااا حصر لها ودي عينة منها
ده مثلا اكريلك لونين اخضر واسود
[وحدهم المشرفون لديهم صلاحيات معاينة هذا الرابط]
وده بلاستيك وزجاج
[وحدهم المشرفون لديهم صلاحيات معاينة هذا الرابط]
وده بلاستيك واكريلك
[وحدهم المشرفون لديهم صلاحيات معاينة هذا الرابط]
وطبعا لو جينا نعمل انسيال او سلسلة قصيرة اكيد بنحتاج للاقفال اللي بتكون موجوده زي كده وطبعا فيها الوان برضو دهبي وفضي ونحاسي
[وحدهم المشرفون لديهم صلاحيات معاينة هذا الرابط]
وبرضو الاقفال دي فيه منها اشكال كتير بس مش متوفر عندي غير ده بس ان شاء الله هابقى اجيبهالكم باذن الله اولا حبيباتي هانبدأ بعمل حاجه بسيطه جدا من الاكسسوارات وكلنا بنحبها وهيا الحلقان عشان صغننة وبسيطه قبل ما نبدأ احب اقولكم ان الاساس في شغلنا انه يطلع كويس ويطلع شغل محترفين فعلا هو طريقة لف المسمار
اولا بنجيب عدد الخرز واللولي اللي بنحتاجه للحلق حوالي 6 مثلا تلاته وتلاته وبعد كده بناخد كل واحده ندخلها في المسمار اللي ليه راس مدورة وطبعا بيكون فيه زياده لان المسمار طويل وواحده اللولي قصيرة بنقصها بالقصافه وبنترك مسافه حوالي 1 سنتيمتر بعد كده بنتني المسافه المتبقية على شكل زاوية قائمة ثم نلفها بالزرادية ذات الرأس المدور وهنا الاحتراااف كل ما ايدينا اتعودت على اللفه دي وطلعناها مظبوطه كل ما شغلنا كان اكثر دقه وجمال نبتدي مع الصور
بنبتدي ندخل المسمار في اللولي بالشكل اللي في الصورة ده
[وحدهم المشرفون لديهم صلاحيات معاينة هذا الرابط]
وبعدين باستخدام الزراديه الموجوده في الصورة دي بنتني المسمار بشكل زاوية قائمة بالشكل اللي في الصورة ده
[وحدهم المشرفون لديهم صلاحيات معاينة هذا الرابط]
بعد كده زي ما قولنا بنسيب حوالي 1 سنتيمتر ونشيل الزياده بالقصافه وقلنا قبل كده ممكن نستعمل قصافه الاظافر بس تكون كبيرة
[وحدهم المشرفون لديهم صلاحيات معاينة هذا الرابط]
نيجي لاهم نقطه وهيا ثني باقي المسمار لعمل حلقه زي اللي موجوده في المسمار من الجهه التانية بالشكل ده
[وحدهم المشرفون لديهم صلاحيات معاينة هذا الرابط]
وده الشكل النهائي للخرزة بتكون ملفوفه من الناحيتين
[وحدهم المشرفون لديهم صلاحيات معاينة هذا الرابط]
ونكرر نفس الخطوات السابقة مع كل اللولي والخرز الموجود عندنا لحد ما يبقى بالشكل ده كله دلوقتي كده كل شئ جاهز مش فاضل الا اننا نشبك اللولي في بعضه ونشبكة في شنكل الحلق وده هايتم طبعا عن طريق الحلقات المعدنية ( الزرد ) وهنا احب انبه لحاجه وهيا طريقة فتحنا للحلقه احنا هانمسكها بالاتنين زراديه بتوعنا بايدينا الاتنين لازم لما نيجي نفتحها مش نفتحها يمين وشمال لاء بنفتحها لقدام ولورا بحيث اننا لما نيجي نقفلها تاني ترجع لنفس الشكل الاصلي بتاعها ودي صورة يارب توضح الفكرة
[وحدهم المشرفون لديهم صلاحيات معاينة هذا الرابط]
بنمسك الزرده بالزراديه اللي في الصورة دي بايدينا اليمين ونمسك التانية بالشمال
[وحدهم المشرفون لديهم صلاحيات معاينة هذا الرابط]
شايفين في الصورة دي الزرده مفتوحه ازاي ؟؟؟ مش من على الجناب لاء لورا ولقدام يارب تكون واضحه الصورة
[وحدهم المشرفون لديهم صلاحيات معاينة هذا الرابط]
دلوقتي شبكنا الزرده في شنكل الحلق
[وحدهم المشرفون لديهم صلاحيات معاينة هذا الرابط]
وكده شبكنا اول خرزة في الحلق
[وحدهم المشرفون لديهم صلاحيات معاينة هذا الرابط]
وهنا شبكنا واحده لولي كمان بنفس الطريقة
[وحدهم المشرفون لديهم صلاحيات معاينة هذا الرابط]
وكمان واحده شبكناها بنفس الطريقة لحد ما نوصل للطول اللي احنا عايزينه وبيكون كده انتهينا من فرده حلق وبنعمل التانية بنفس الطريقة بالظبط ومننساش ان اخر واحده لولي او خرز في الحلق المفروض نستخدم ليها المسمار اللي ليه راس مقفوله عشان يكون شكله مظبوط وبكده نكون عملنا حلق جمييييييل جداااا جدااا من صنع ايدينا وطبعا الافكار لا حصر لها والاشكال كمان وكل واحد زي ما بيحب الحلق طويل قصير واحده لولي واحده اتنين زي ما يحب
وده فيديو يوضح طريقة لف المسمار بس بدل ما احنا بنقص الزياده نعمل دائرة فقط هنا لف باقيه المسمار علي واحده اللولي والفيديو واضح وسهل جدا ان شاء الله وهاتلاحظوا نفس الادوات اللي احنا بنستعملها
[وحدهم المشرفون لديهم صلاحيات معاينة هذا الرابط]
وده كمان فيديو واضح وحلو جدا للمبتدئين
[وحدهم المشرفون لديهم صلاحيات معاينة هذا الرابط]
وده بقى لينك طريقة عمل حلق بسيط وجميل جدا وزي اللي شرحناه بالظبط
[وحدهم المشرفون لديهم صلاحيات معاينة هذا الرابط]
وده كماااااان طريقة عمل حلق لذيذ جدا جدا وكمان مستخدمين قصافه اظافر زي ما قولتلكم
[وحدهم المشرفون لديهم صلاحيات معاينة هذا الرابط]
وأخيرا بنفس طريقة تشبيك الحلق دي ممكن نعمل عقد جميل باننا نشيل خالص شنكل الحلق ونكمل تشبيك عادي لحد الطول المناسب لينا ويكون عقد جميل وكذلك الانسيال وبدل ما نشبك في الاخر شنكل الحلق لاء نشبك قفل من اللي شفناهم وده عقد من الاشكال المعموله بنفس الطريقة اللي شرحناها [وحدهم المشرفون لديهم صلاحيات معاينة هذا الرابط]
ده العقد بتاع الحلق اللي عملناه وقدامنا طبعا اشكال لا حصر لها من مختلف الخامات اللي ممكن نعملها بالطريقة دي
وبكده اكون انتهيت النهارده واحب اسمع آرائكم وردودكم واخيرا احب اقولكم اني الحمد لله اديت كورسات فعلا في تعليم الاكسسوارات بس طبعا فتوكاتي حبايبي غير عشان كده بقولكم اي حد عنده اي سؤال انا تحت امرة واللي حابه انزل معاها كمان اوريها مكان الخامات بالظبط انا معنديش اي مانع واللي حابه تاخد ايميلي او تليفوني لأي استفسار انا معنديش اي مشكلة وكمان اللي حابه تتعلم اون لاين عن طريق الايميل والكاميرا (تعليم عن بعد ) برضو انا تحت امركم فقط أسألكم الدعاء ان ربنا يحقق ليا اللي بتمناه واشكركم لحسن متابعتكم وعيد سعيد عليكم جميعاً
رد: دورة تعليم اكسسوارات مجاناً وكله بالصور والفيديو حصرى
النهارده ان شاء الله هانعمل انسيااااال جميييل وسهل ولذيذ جداا ومش هايكلفك حاجه خااااالص
الادوات اللي هانحتاجها هيا :-
[وحدهم المشرفون لديهم صلاحيات معاينة هذا الرابط]
قطعه سلسله طبعا السلاسل بتتباع بالمتر بنجيب حته على اد ايدينا نقيسها ونقطعها وطبعا السلاسل فيه منها اشكال كتير ورفيع وتخين وفضي ودهبي والوان كمان المهم نختار السلسلة اللي عايزينها وكمان اكيد هانحتاج مجموعه من الخرز الاشكال اللي نحبها هنا مستخدمين 3 اشكال مختلفه من الخرز وهانحتاج قفل للانسيال وشوية مسامير من اللي ليها راس زي راس الدبوس وشوية زرد صغيرين اصغر مقاس وطبعا الزراديات بتاعتنا هاتكون معانا
هانبتدي الاول هانعمل اسهل حاجه اننا نركب القفل بتاعنا في احد اطراف السلسلة بنجيب زرده ( احنا خلاص بقينا محترفين وعارفين ياعني ايه زرد كدا ولا اييييه [وحدهم المشرفون لديهم صلاحيات معاينة هذا الرابط]واللي نسيت تراجع في اول صفحه تمام ) نجيب زرده ونفتحها وندخل فيها القفل وندخل فيها حلقه من حلقات السلسلة ونقفل الزرده بتاعتنا تاني كويس تمام
بعد كده هانجيب مسمار ونحط فيه الخرز بالترتيب اللي نحبه بالشكل ده
[وحدهم المشرفون لديهم صلاحيات معاينة هذا الرابط]
بعد كده نثني المسمار زي ما اتعلمنا قبل كده بالشكل ده
[وحدهم المشرفون لديهم صلاحيات معاينة هذا الرابط]
وبعد كده نكمل زي ما اتعلمنا نقص منه جزء ونقفل الباقي لعمل حلقه صغيرة ( راجعوا الفيديو )
بس قبل ما نقفل الحلقه للاخر بنشبكها في السلسلة الاول وبعدين نكمل اغلاقها بالشكل ده
[وحدهم المشرفون لديهم صلاحيات معاينة هذا الرابط]
لو ركزتوا هاتلاقونا سايبين الحلقه مفتوحه حته صغيرة ندخلها في السلسلة وبعدين نقفل عليها على طول
[وحدهم المشرفون لديهم صلاحيات معاينة هذا الرابط]
لحد ما نوصل للشكل ده
اللي مش عارف يعمل كده ممكن يعمل حاجه تانية اسهل اننا نتني المسمار ونقفله زي ما اتعلمنا قبل كده ونجيب الزرد الصغير ونفتحها وندخل فيها الخرزة اللي احنا عملناها وندخل فيها حلقه من حلقات السلسله وبعدين نقفلها زي ما عملنا في الدرس الاول بتاع الحلق وشبكنا الخرز اللبني واللولي البني مع بعض بالزرد
بعد كده هانكمل باقيه تركيب في السلسلة بنفس الطريقة لحد ما نوصل للشكل ده
[وحدهم المشرفون لديهم صلاحيات معاينة هذا الرابط]
ونركب في اخر الانسيال زرده عشان القفل يبقى يقفل فيها وبس بكده نكون انتهينا من عمايل انسيال لذيييييييذ جدا جدا وشكله شيك وكله يتوقف في الاخر على ذوقك انتي واختيارك للاشكال والالوان وتناسقها مع بعضها
وطبعا الاشكال لا تنتهي ودي بعض منها حاجات تحفه طبعا وبنفس الطريقة المختلف الخامات بس يلا شوفوا واتحمسوا من جمالها [وحدهم المشرفون لديهم صلاحيات معاينة هذا الرابط]
[وحدهم المشرفون لديهم صلاحيات معاينة هذا الرابط]
دي مستعملين فيها طبعا باين انه لولي طبيعي وكريستالات واحجار وباين من شكل السلسلة انه فضه ولكن الطريقة نفسهاااااااا
[وحدهم المشرفون لديهم صلاحيات معاينة هذا الرابط]
ودي نفس الطريقة بس شوفوا تركيبات الاشكال وتنسيقها مربعات مع حجمين مختلفين او تلاته من الكريستالات الحمراء شكلها طبعا تحفه
والاشكال ملهاش حصر واطلقي العنان لذوقك الجميل واتمنى يكون درس سهل واللي محتاج اي شرح اكتر او تفصيل في اي نقطه معينة يقولي وانا تحت امرة
واتمنى انه يحوز على اعجابكم باذن الله
اولا الخامات بتاعتنا :-
[وحدهم المشرفون لديهم صلاحيات معاينة هذا الرابط]
زي ما احنا شايفين في الصورة طبعا اتنين شنكل حلق وشوية مسامير وحبه كريستالات احمر ملحوظه ( الكريستالات الحمرا دي بتكون فيه منها اشكال كتير جداا جداا بس كلها لونها ابيض شفاف بتختاري الشكل اللي تحبيه وانتي بتشتريه من عند نفس المحل بتروحي تصبغيه باللون اللي تحبيه والدرجه كمان ياعني اغمق افتح وبيطلع شكله جميل جدااا ) وقطعتين من السلاسل طول بعض على حسب ما بنحب طول الحلق
هناخد اولا شنكل الحلق وقطعه سلسلة ونمسك السلسلة من النص ونشبكل فيها شنكل الحلق بحيث انه تبقى فرده الحلق الواحده نازل منها سلسلتين وممكن نخليهم متساويين وممكن نخليهم واحده اقصر من التانية بيبقى شكلها احلى زي الصورة دي كده
[وحدهم المشرفون لديهم صلاحيات معاينة هذا الرابط]
تمام
بعد كده بناخد الكريستالات بتاعتنا كلها ندخلها في المسامير لحد ما تبقى بالشكل ده طبعا احنا احترفنا خلاص وعرفنا بنوصل للشكل ده ازاي
[وحدهم المشرفون لديهم صلاحيات معاينة هذا الرابط]
لو اخدتوا بالكم هاتلاقوا ان الحلقه مش مقفوله للاخر سايبينها مفتوحه حته صغيرة عشان نعرف نركبها في السلسلة وبعد كده نقفل عليها كويس زي طريقة الانسيال اللي فاتت
نبتدي نركب الكريستالات الكبيرة في اطراف السلسلة والكريستالات الصغيرة نبتدي نوزعها بطريقه عشوائية على باقيه السلسلة بالشكل ده
[وحدهم المشرفون لديهم صلاحيات معاينة هذا الرابط]
ونخلي بالنا اننا نقفل الحلقات كويس بعد ما نركبها عشان دي مشكلة بتواجه المبتدئين وهيا قفله الحلق والزرد ممكن يكون فيه فتحه صغيرة اوي اوي متبقوش متخيلين انها ممكن تخرج السلسله منها وتفوجؤا ان الحاجات بتتفك حصلت معايا كتير اول ما اتعلمت وكمان ممكن تكون نهاية الحلقه مستخبيه جوا الخرزة نفسها واحنا مش واخدين بالنا انها مش مقفوله كويس
وفي الاخر بنوصل للشكل النهائي للحلق واللي هو ده
[وحدهم المشرفون لديهم صلاحيات معاينة هذا الرابط]
ايه رأيكم سهل ؟؟؟؟ وطبعا مش هاقولكم عيشوووا حياتكم حلقان اشكال والوان واحجام زي ما تحبوا [وحدهم المشرفون لديهم صلاحيات معاينة هذا الرابط]
دورة تعليم اكسسوارات مجاناً وكله بالصور والفيديو حصرى
