بالصور طريقه عمل المش والجبنه القديمه من اولها لاخر خطوة
اول يا قمرات هنشترى بلاص بس يكون بلاص بتاع عسل وده تشتريه من اى واحد بتاع عسل بيدور او من السرجه ..لازم يكون بلاص عسل لانه بيدى تست حلو اوى للمش وكمان المسام بتاعة البلاص بتبقى متشبعه بالعسل ومسدوده تخلى البلاص ميرشحش السوائل اللى بنحطها فى [ندعوك للتسجيل في المنتدى أو التعريف بنفسك لمعاينة هذا الرابط]..واسألى اى واحده من الريف هتقولك ان احلى مش تاكليه اللى معمول فى بلاص العسل وادى صورة البلاص ومن جوه كمان [ندعوك للتسجيل في المنتدى أو التعريف بنفسك لمعاينة هذا الرابط]
يالله بقى يا قمرات نعمل المش مع بعض ونبدء ونقول بسم الله
المقادير
5 كيلو جبنه قريش 2 كيلو لبن حليب 2 كيلو خميرة مش.... ودى بتشتريها من بياعين الجبنه القريش الكيلو منها ب 8 جنيه بعد كده مش هتحتاجى تشتريها لانك عملتى المش بقى وعندك خميره كفايه ربع كيلو فلفل شطه حامى ب 50 قرش شطه حاميه(بفضل الشطه السودانى) ب1جنيه تنكار وفى ناس بتقول اسمه دنكار الاتنين صح وده بيتباع عند العطار وهو لونه بيبقى ابيض زى الملح وهو ده اللى يخلى المش مش يدود كيس ملح ونشوف مع بعض الصوره [ندعوك للتسجيل في المنتدى أو التعريف بنفسك لمعاينة هذا الرابط] هنجيب الجبنه ونرش عليها كيس الملح ونقلبه فى بعض كويس [ندعوك للتسجيل في المنتدى أو التعريف بنفسك لمعاينة هذا الرابط] بعد كده هنجيب كيس مخده ونحط فيها الجبنه علشان تصفى مايتها وتنشف وبعد كده نعقد الكيس ونربطه كويس فى ماسورة الستاره فى الحمام ..عن نفسى بسيبها يوم تصفى وفى ناس بتسيبها يومين او تلاته علشان تنشف اوى من ميتها [ندعوك للتسجيل في المنتدى أو التعريف بنفسك لمعاينة هذا الرابط] [ندعوك للتسجيل في المنتدى أو التعريف بنفسك لمعاينة هذا الرابط] طبعا اللبن الحليب بغليه واسيبه يبرد واسيبه بالقشطه بتاعته مش بشيلها ده بيخلى المش دسم وحلو وابتدى اضيف عليه الشطه والتنكار واقلبه [ندعوك للتسجيل في المنتدى أو التعريف بنفسك لمعاينة هذا الرابط] بعد كده هنيجى تانى يوم نبتدى نعمل المش هنجيب البلاص ونحط فيه نص كمية خميرة المش ونص كمية اللبن الحليب المخلوط بالشطه والتنكار ونبتدى نسقط فيهم نص كمية الجبنه [ندعوك للتسجيل في المنتدى أو التعريف بنفسك لمعاينة هذا الرابط] [ندعوك للتسجيل في المنتدى أو التعريف بنفسك لمعاينة هذا الرابط] وبعدكده اضيف نص كمية الفلفل الاحمر [ندعوك للتسجيل في المنتدى أو التعريف بنفسك لمعاينة هذا الرابط] وده شكل البلاص من جوه [ندعوك للتسجيل في المنتدى أو التعريف بنفسك لمعاينة هذا الرابط] ونكمل باقى المقادير بنفس الطريقه بحد ما تخلص كلها [ندعوك للتسجيل في المنتدى أو التعريف بنفسك لمعاينة هذا الرابط] نبتدى بقى نقفل البلاص كويس جدااااااااا علشان ميدخلش اى هوا جواه لانه لو اتعرض للهوى هيربى دود حتى لو حطه تنكار...دى الورقه اللى كان مسدود بيها بلاص العسل بدخلها فى كيس بلاستك واكبسها فى فوهة البلاص كويس [ندعوك للتسجيل في المنتدى أو التعريف بنفسك لمعاينة هذا الرابط] [ندعوك للتسجيل في المنتدى أو التعريف بنفسك لمعاينة هذا الرابط] بعد كده هلبس البلاص كيس واربطه بقماشه او شريطه او دوباره المهم اربطه بحاجه جامده وخلاص [ندعوك للتسجيل في المنتدى أو التعريف بنفسك لمعاينة هذا الرابط] وبعد كده هلبسه كيس بلاستك تانى واحكمه كويس اوى على البلاص [ندعوك للتسجيل في المنتدى أو التعريف بنفسك لمعاينة هذا الرابط] وبعدكده هطبق حتة قماشه قديمه وتبقى تقيله يعنى مثلا نص ملايه اوطرحة صلاة قديمه او ديل جلابيه كده يعنى وتطبقيها اربعه وتحطيها فوق البلاص وتربطى بشريطه [ندعوك للتسجيل في المنتدى أو التعريف بنفسك لمعاينة هذا الرابط]
بعد كده هنفرش فى البلكونه كيس بلاستك قديم ونجيب حتة قماشه قديمه مستغنيه عنها ونلفها زى الحوايه ونحط فوقها البلاص لانه ممكن فى اول الامر يرشح من تحت شوية سوائل وهتلاقى لونها اسود وده من العسل بس بعد كده هيبطل لوحده علشان البلكونه بتاعتك متتبهدلش [ندعوك للتسجيل في المنتدى أو التعريف بنفسك لمعاينة هذا الرابط] وهنسيبه على كده يا قمرات 6 شهور ..اقل حاجه 6 شهور ومنفتحش عليه خالص بس كل يومين تخرجى البلكونه كده وتشليه وتهزيه بشكل دائرى علشان الجبنه والمش يتقلبو من جوه وكمان هنحط عليه بلاطه من فوق اى حاجه تقيله يعنى [ندعوك للتسجيل في المنتدى أو التعريف بنفسك لمعاينة هذا الرابط]
ملحوظه يا قمرات
البلاص لما نيجى نعبيه المش والجبنه وكده لازم ميكنش مليان يعنى يبقى نص البلاص او تلتينه مليان والباقى فاضى لان المش بيفور وبيزيد
بالصور طريقه عمل المش والجبنه القديمه من اولها لاخر خطوة
