طاجن العكاوي

النهارده جايبالكو اكله انما ايه واااااااو
يالا نشوف


هنحتاج عكاوي ويكون الجزار مقطعها لقطع كويسه
هنحتاج كمية كبيرة من البصل بس انا استخدمت 3 كبار قطعتهم شرائح

هنحتاج برضه حبتين بطاطس وحبتين جزر نقطعهم قطع مناسبة ولو خضار مشكل بيبقى روعه

 الطريقة سهله جدا 

هنجيب العكاوي ونحمرها في شويه زبدة .. انا حطيت زبدة على زيت عشان متبقاش ثقيلة

هنحمر القطع من كل جانب لما تاخذ لون ذهبي فنضيف لها البصل ونقلب كويس لما يبقى ذهبي هو كمان

هنضيف توابل عباره عن فلفل وكمون وكركم وبهار لحم .. هنضيف شويه قرفة وجنزبيل مطحون وورقة لوري وحبتين حبهان مكسورين ..

هنقلب كويس عشان كل القطع تختلط بالتوابل ..

هنضيف البطاطس والجزر او الخضار المشكل بعدين نغطيهم بماء مغلي او شوربة على حسب الموجود ونسيبها تغلي غلوتين عن نفسي خليتها تستوي نص سوا

هنجيب برام فخاري او طبق بايركس عميق لو مفيش فخار ونحط فيه اللحمه بالخضار بتاعها وندخلها في فرن حامي لغايه ماتستوي وبالهنا يارب