هقولك ازاى تكون خفيت من الحب

تعرفى منين إنك خفيتى من حبه؟؟
- لما تبطلى تشمشمى على أخباره ولا كلب هول.. الا هو ايه كلب هول دا؟؟
- لما تشوفيه على حقيقته اللى اتسببت في ان العلاقة انتهت..
- لما ساعة ما تسمعى اغنية تفكرك به ماتعيطيش وتحنى لكن تقولى الهى يدعقه مطرح ماهو قاعد.. حسبى الله ونعمى الوكيل وتكشفى راسك وتدعى عليه..
- لما تفتكرى الخناقات وبس وساعة ماتيجى في دماغك كلمة حلوة قلتيها له تلاقى تلقائيا شفايفك بتتعقص لتحت في تعبير واضح عن القرف مع قلبة معدة ما يعلم بيها الا ربنا..
- لما تلاقى نفسك كل ما تشوفى واحد شبهه تحسى ان الفيروس منتشر وتجرى منه بالمشوار او تدورى وشك وتقولى استغفر الله العظيم صحيح يخلق من القرد اربعين..

- لما تلاقى نفسك لو قابلتيه بالصدفة في الشارع ووقف علشان يسلم عليكى بتعملى نفسك مش شايفاه وتندهى على محمد او تجرى ورا اوتوبيس مع ان ممكن جدا تكون عريبتك راكنة في قفاكى..

- لما تكرهى الصنف كله لمجرد انه بينتمى له..

أقول لك: لما تكرهى نفسك انك في يوم حبيتيه


بس خلاص