فقط فى مصر..اخرة الارتباط لازم تكون تشويه

في مجتمعنا العزيز ، قليل مووت ان اتننين يكونوا مرتبطين ولما يسيبوا بعض يرجعوا اصدقاء ..

لا ماينفعش الكلام ده في مجتمعنا ، لانه في مجتمعنا لازم يا الموضوع يخلص بمشاكل يا اما ببلوك وتغيير خطوط الموبايل .
وتلاقي ياعم تلقيح بالكلام ع الفيس بوك وكل واحد يطلع القطط الفطسانه فـ التاني .
وده يقولها مش انتي البنت اللي كنت بتمناها .. ولا نفس المواصفات . ودي تقولوا انا اصلا غلطانه اني مسمعتش كلامي اصحابي . هما كانوا صح . ويارتني . مكنتش اتنيلت احبك . وكنت قبلت سمسم جاري
اهو مع عربية 27 وبيعرف يلبس . وكل يوم خروجات . وبيجط جيل فـ شعرو . مش زيك اقرع . وهو يفضل يقولها يابنتي انتي بقالك اد ايه مش بتشوفي نفسك فـ المرايا . ويبقي الكلام جد جدا جدا
والـ،2 فـ الاخر يندموا ان هما عرفوا .. بعض ؟؟! :

سؤال هنا . متبقاش لطخ . ومتبقيش هبله . مفيش علاقة حب هتنتهي زي مانتي عاوزة كله حلو حلو

لـ حلوة اوووي .. لا وحش اوووي .
ولو انتهت بـ الحلوة يبقي اشكري ربنا وصلي ليل نهار .
ولو الحب انتهي بقصه حب فشله ومنيله . ع دماغك انتي وهو
وتفضلي تشغلي اغنية دايما دموع ..
اسمعوا مني بقي ياعم الحبيب انت وهي ..!
. بلاش يبقي اخر طرف الحبل .! كده
معاكم ان العلاقة مش هتبقي علاقة اصدقاء بعد الحب .
,ومحدش هيقدر يعمل كده ؟
بس الاكيد انه ماينفعش بعد كل ده يتحول لـ كره
بس ع الاقل خلي السؤال مجرد سؤال عادي .
وخلي العلاقة مجرد سلام .
الواحد يطمن ع التاني بيها .
واهم حاجة كل واحد يتمني للتاني الخير .
ومن قلبه . ها من قلبه ماشي .
البدايات مشاعر والنهايات اخلاق