نصائح زوجيه ؛ نصيحه من المراه للرجال ــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــ
لما تركب المواصلات مع مراتك، ما تسيبهاش تحاسب، تحت أي ظرف، حتى لو هتفكّ الـ100 جنيه اللي حيلتك. وإنت نازل من البيت وسايبها لوحدها، اتأكّد إن معاها فلوس تكفّيها. وإنت بتدّيها مصروف البيت، زوّدها 100 ولا 200 جنيه وقول لها اشتري بيهم حاجة حلوة لنفسك. ولو تقدر، اعمل لها مصروف شخصي بعيدًا عن ميزانية البيت، حتى لو مش كبير. وإنت ماشي معاها في الشارع، امسك إيدها، وخليك إنت ناحية العربيات. وإنت مروّح بالليل، هات لها آيس كريم بـ5 جنيه (أو لبان ترايدنت بـ2 جنيه لو بتعمل دايت )، كل ما تشوفها، طبطب عليها وبوس إيديها وراسها، وقول لها شكرًا إنك في حياتي. وإنت بتدعي بعد الصلاة، ارفع صوتك شويّة، وسمّعها وإنت بتقول: "اللهم اجمع بيني وبين زوجتي في الجنّة". مودة ورحمة يا صديقي. مودة ورحمة.
نصيحه من واحده ست لكل الرجاله ياريت تعملوا بيها
