خليكى شعلة حماس، حبى الحياة وحببى الانسان اللى انتى بتحبيه فيها، الرجالة بتكره النكد وماعندهاش خلق للشحتفة والمسلسلات التركى والأفلام المأساوية، خليكى حلوة دايما في عينه بحنيتك وتفهمك وصداقتك له، صدقينى كل راجل وله مفتاح لو عرفتى توصلى له مش هيشوف واحدة تانية غيرك، عرفتى المفتاح وعملتى به تبقى كسبتى الراجل للأبد، عرفتى المفتاح وماعملتيش به تبقى انتى اللى مش عايزة تعيشى سعيدة وماتشتكيش بقى لو خلع.. أنا معاكى ان كل راجل وله الحاجات اللى تشل بلد بحالها، بس احب افكرك ان احنا كمان مش كاملين يعنى الحياة لازم تبقى شايلنى وأشيلك علشان تمشى. الست اللى تسيب جوزها يتطور وينضج بعيد عنها وهى متوولة في البيت والعيال والعيشة واللى عايشينها يا ختااااى.. ماتلومش غير نفسها.. علشان تعيشى زوجة سعيدة مطلوب منك 3 حاجات: 1- احسنى الاختيار من البداية وماتتجوزيش لمجرد الجواز والتكاثر 2- اتحملى اختيارك وحاولى تحسنى فيه على أد ما تقدرى وحسنى في نفسك انتى كمان 3- صاحبى جوزك واتكلمى معاه كتير وخليه يحب يتكلم معاكى يمكن تفهميه صح وأخيرا: الصبر مفتاح الفرج بس خلاص
نصيحه للستات وبس......ممنوع دخول الرجال
