انت الآن تتصفح منتدى الستات
 حصريا..قصه مخالب الحب...بقلمى |
 |
اخر المواضيع منتدى الستات | |||||||||||||||||||||||||||
تم النشر بقلم :شوشو:الأحد مايو 18, 2014 5:09 pm - -
| |||||||||||||||||||||||||||
 |
تم النشر بقلم :شوشو:الإثنين مايو 19, 2014 10:03 am - -
| ||||||||||||||
رد: حصريا..قصه مخالب الحب...بقلمى ************************************************************ مي :أيه يا حبيبي خير, خالدمنزعجا:لا لا مفيش ويمضي الوقت ويتناولان العشاء الفاخر الذي أعدته لهم اداره الرحله وبينما هما في الممر المؤدي للغرف ,,يقف خالد امام غرفه مي ويمسك علي يدها :تعالي نتمشي شويه عالبحر مي متعجبه :انت اجننت الساعه بعد واحده ونص ,,انت لسه متعتبتش خالد يهز رأسه بالرفض ثم يمسك يدها ويضعها علي صدره,,ويميل برأسه في حنان :عشان خاطري تعض مي علي شفتيها في حرج فهي لا تستطيع ان تخذله وهو بهذه الرقه معها وافقت مي وخرجا من الفندق متجهان نحو البحر يسيران علي الشاطيء وصوت الليل والامواج حولهما ولا يكاد هناك اثر ع الشاطيء لبشر غيرهم ثم يقف خالد فجأه ويلتفت ليقف امامها ,,وبشوق العاشق يهمس لها :والله العظيم انا بحبك يا مي ,,ونفسي وحلم حياتي السنه اللي فاضله دي تعدي .. انا حزين اوي يا مي انك خارجه معايا ومعندناش حتي القدره ان نقول لمامتك اننا مع بعض تحاول مي ان تتحدث فيضع خالد يده علي شفتيها ليسكتها ويستكمل حديثه :انا مش زعلان منها يا مي ,,,انا مقدر مقوفها وحاسس هي بتعمل كده ليه ,,خايفه عليكي وعاوزه تسلمني الامانه زي ما نفسها تكون ,,وزي ما اي ام بتتمني تجوز بنتها ,,, تضع مي يدها فوق يده الموجوده علي شفتيها وتنزعها برفق :وبحنان تحاول ان تستفهم عن سبب الحاله الموجود عليها خالد:مالك يا خالد ,,ليه بتقول الكلام ده دلوقتي خالد ويعلو صوته قليلا عما كان عليه :عشان تعبت يا مي ,,تعبت ..انا شغال في المستشفي الصبح وصيدليتين بعض الظهر ..وكل ده عشان الاقساط بتاعت الشقه وفلوس التوضيب ,,تعبت ان لسه بدري ,,وانا محتاجلك جمبي ,,محتاج الاقيكي اودامي بعد التعب بتاع اليوم ده ويخفض صوته مره اخري ,,ويهمس ..محتاج اخدك في حضني وانسي تعب اليوم يا مي,, حتي الامان مش عارف اوفرهولك.. يلتفت ويجلس عالرمال وتجلس امامه مي ,, مي:خالد انا البكالوريوس بتاعي السنه دي يخلص ان شاء الله وانت تكون استلمت الشقه وجهزناها ,,نعتبر نفسنا في مأموريه يا حبيبي وهونها علي نفسك ,,,مأموريه سنه ومنسيبش بعض بعضها تاني ,وتلف يديها علي رقبته..بس اوعي بس تزهق مني وبعدين امان ايه بقي ده اللي انت مش عارف توفرهولي ,,انا والله العظيم ما بحس بأمان واطمئنان غير وانا جمبك ,,بحس ان مفيش اي شيء ممكن يحصل لي وانا معاك تلف يدهاالاتنين علي ذرعه وتميل برأسها علي كتفه :انت العوض اللي ربنا عوضني بيه يا خالد عن كل شيء في الدنيا ..ثم تضع يدها في جيبه فتتحسس المنديل الورقي الذي اعطاه له ايمن تنظر له وتثبت عيناها في عينيه ,وفقد احست ان شيئا بالمنديل خالد فورا اخرج يدها :ده دعاء جايبه حبوب هلوسه كده بتاعت حب وغرام وكلام من ده مي :دعاء ؟؟وادتهالك بأماره إيه خالد :يا بنتي افهمي ..دعاء جيباها من الصيدليه ..وايمن اللي ادهالي وقالي دعاء جايبه لنا مفجأه الموسم معاها,,حبوب اجنبيه انتشرت في الفتره الاخيره في الاسواق ونزلت في جدول الممنوعات علطول اسمها اكسناكس,,بتعمل احساس بالنشوه والحب وبتعمل تداعي لعبارات الحب ,,حاجه كده زي اللي بيقولوا عليها صراصير تضحك مي عاليا :قول والمصحف يضحك خالد مستغربا :ومالك فرحتي كده ليه مي :يعني انا لو جربت الحبوب دي احس اني بحبك وكده خالد :هو انتي لسه مستنيه تاخدي حبوب وتبلبعيها عشان تحبيني ولا ايه مي تهز كتفها :طب ما انا بموت فيك ,,هيحصل ايه يعني وتخرج يدها من جيبه لتفتح المنديل وتضع حبه علي فمها بسرعه وتبتلعها خالد يبتسم ومتعجبا من رده فعلها :إيه ده يا مجنونه,,عندك إستعداد للانحراف بس مش لاقيه اللي يوجههك ويضحكان سويا ويواصلان نظرهما الي البحر ,,بينما يخرج خالد تليفونه المحمول من جيبه ليسمعان عليه موسيقي هادئه وبعد ربع ساعه يسود الصمت بينهما يستمعان فيه للموسيقي ويستمتعان بمنظر الليل والبحر الخلاب والسماء تلمع بها النجوم تلتفت مي الي خالد وصوتها يبدو عليه بحه الانهاك والتعب من هذا اليوم الطويل :طب ما انا زي ما انا يا لودي اهو بحبك وبموت فيك ,,مش حاسه بحب جديد يعني ولا تداعي لعبارات الحب ولا صراصير ولا دبان ولا حاجه ,,وتضحك ضحكه تملؤها الميوعه ترن في المكان .. يلتفت خالد علي صوتها ويضحك مما هي عليه ,,يبدو وان اثر الحبه التي ابتلعتها قد بدأت في الظهور خالد :ميوش..أنا بقول تطلعي فوق بقي لحسن احنا هنفرج علينا الناس ويتمهد خالد للقيام من جلسته بينما تمسك فيه من زراعه مي وبحنان:خليك جمبي شويه يا خالد يجلس خالد علي ركبتيه :مي..أنتي تعبتي نقوم وبكره من النجمه نبقي سوا مي بصوت دافيء:النجمه اهي يا خالد ,,وترفع يدها تشير الي النجمه في السماء..ثم تضرب يدها عالرمال بجانبها وتهز راسها :تعالي جمبي هنا يا حبيبي خالديتنهد:يا بنتي انا مش أدك يخربيت كده ,, مي تطبطب علي صدرها لترجوه يتقدم بالجلوس جانبها ,, ويتقدم خالد بالفعل ويجلس جانبها ويمسك تليفونه ,,فتخطف مي التليفون من يده وترميه علي بعد عده امتار خالد :لاااااااا انتي وصلتي خلاص يا مي ,,قومي ,, ويقف خالد ويشد مي من زراعيها ,,قومي يالا يا مي بقي ,,انا هبقي اوصيهم علي علبه ناخدها معانا شهر العسل تقف مي معه وتقترب منه :والله العظيم يا خالد انا طبيعيه ,,انت شايفني سكرانه ولا بطوح ولا حاجه انا طبيعيه والله ,,بس اصل انا الجو بتاع البحر ده بيصحي الرومنسيه اللي جوايا ,,لكن طبيعي اهو والله اورجانيك خالد ..يذهب ليجد تليفونه , اورجانيك فعلا ما انا شايف اهو ويدخلان الفندق وتصل مي الي غرفتها ,, خالد :تصبحي علي خير يا حبيبي ..نامي واتغطي ,,منك لله انا اللي مش هنام تبتسم مي :تصبح علي خير يا حبيب قلبي ويتركها ويذهب الي غرفته ..يرتمي كل منهما علي السرير ,,فقد كان يوما مرهقا جميلا ممتعا وبعد مضي نصف ساعه تقريبا تخرج مي من غرفتها لتتجه نحو غرفه خالد حافيه القدمين وبنفس الفستان التي كانت ترتديه ..انها لم تبدل حتي ملابسها ... فتحت باب الغرفه بدون صوت وكأنها لص ,,ووصلت الي السرير ووقفت امامه,,ثم اقتربت منه وجلست علي ركبتيها علي الارض ,,ومدت يدها بحنان تتلمس راحه يده,,, فتح خالد عيناه ووجدها امامه ,,في البدايه ابتسم لها ووضع يده علي شعرها ,وثم فجأه أنتبه لما هما فيه وفتح عيناه بذهول وفغر فاه ,,,ثم أستقام جالسا في السرير :مي في ايه انتي جيتي ازاي ,امتي .يعني ايه ليه في ايه طيب مي بصوت ناعم اتعبه طول السهر والاجهاد:وحشتني يا خالد ,,حبيت اشوفك ,,كل يوم توحشني في الوقت ده ومبعرفش اشوفك ولا حتي اكلمك ,,كنت افوت فرصه زي دي ازاي..أنت زعلت تحب اقوم امشي ,,وتهم لتقوم من جلستها يمسك بيدها خالد لتقوم من علي الارض ..تبدو وان قواها خارت ولم تستطيع حتي قدماها ان تحملها ,,ثم يجلسها علي طرف السرير خالد :قد ظهرت عليه علامات الاسي ,,فقد أحس ان ما هي عليه هو نتيجه حبوب الاكسناكس الملعونه ,,فهو رجل كيميائي ويعلم ما تفعله تلك الحبوب فهي تعمل علي الاعصاب والهرمونات المسئوله عن الرغبه بالمخ تنهد خالد قليلا ولا يعلم ما يمكن ان يفعله في هذه الحاله ,,فهو في وضع لم يكن يتوقع ان يقف فيه استقام خالد وقام من سريره ثم ربط علي كتفها ,,:دقيقتين هخش التواليت بس واجي اقعد معاكي تهز مي راسها بالقبول ,,انها فعلا لا تستطيع الكلام ,,فهي منذ الفجر وهي تعد نفسها للسفر ورحله طويله شارفت علي الخمس ساعات ثم يوم طويل علي البحر تصحبه سهره مجهود بدني وذهني يفوق طاقتها وقدرتها الضعيفه دخل خالد الحمام وخرج منه ماسكا بيده منشفته ليجد مي نائمه مكانه في سريره واضعه وساده وراء ظهرها لتظل مستقيمه في جلستها يقترب منها خالد ثم يشدها من يدها بهدوء :أومي يا مي تعالي معايا انتي لازم تغسلي راسك تفوقي من الهباب ده,,الله يخربيتك يا دعاء انتي وجوزك مي وقد اصبحت مثل الثكلي:إيييييييييييه بقي يا خالد قلتلك والله انا طبيعيه مش مهلوسه ولا حاجه البتاع بتاعكوا ده الاكس ماكس ولا اكس فاكس ولا ايه تضحك عاليا فيضع خالد يده علي فمها ليكتم اصوات ضحكتها :هششششششش هتفضحينا يخربيت مخك ,,قومي يا مي بقي اعملي معروف ويشدها من تحت زراعيها ويدخل بها الحمام ليمسك براسها ويضعها رغم مقاومتها تحت الماء في حوض الوجه,,فتبعد راسها مي بسرعه وتنفض راسها كالكتكوت الواقع في البركه,,ثم ترتمي في صدره وتشب بقدميها لتصل الي أذنيه وتهمس فيهما :بحبك يا خالد وتبدأ بتقبيله قد قاومها خالد اليوم اكثر من مره ولكن في هذه المره لم يستطيع ان يستمر في مقاومته قضيا الليله سويا ولم يوقظهما الا التاسعه صوت التليفون قام خالد من غفلته ونظر اليها انها جانبه ..وضع يده علي رأسه مصدوما ثم وضع يده الي رقبته وقام من سريره وكأن شيئا علي عنقه لقد احس بإختناق ,,وظل يتمتم مكنش حلم ,ينهار اسود مكنش حلم ,, ثم جلس علي كرسي جانب السرير وظل يستعيد احداث الامس كلها ليفهم ما جري ,,لقد استطاع تذكر كل الليله بكل تفاصيلها وبينما هو يقترب ليوقظ مي تفتح عيناها لتجده امامها وهي في سرير غرفته خالد يقترب منها يحاول ان يهدئ من روعها فقد كانت صدمتها اكبر من صدمته خالد:والله العظيم محصلش حاجه ,اصبري بس وانا هفهمك ظلت مي واضعه يدها علي فمها وكأنها تمنع نفسها رغم ارادتها من الصراخ يضع خالد يده علي كتفها ليهدئها فتبعده مي عنها بعنف خالد :يا بنتي والله العظيم انتي اللي دخلت صحتيني بليل حبوب الهلوسه اللي بلعتيها دي جابتك هنا وكنتي زي السكرانه وانا اخدتك عالحمام غسلت لك راسك وصممتي تنامي جمبي معرفتش امنعك ,,كنت هشيلك واخرجك ازاي يعني لقد كذب خالد عليها لم يخبرها بما حدث بينهما,فهو يعلم ان تلك الحبوب تمسح اثر الليله بالكامل من الذاكره ولا يستطيع المرء ان يذكر شيئا عنها,لقد كان لقاء مثل لقاء الازواج فقد كانت هي تحت تأثير الحبوب بينما كان هو يقظا تماما لما يقوم به وحريصا علي الا يفقدها عذريتها بدأت تهدأ مي بعد ان اطمئنت لكلام خالد فهي ثقتها به تبلع اعلي العنان خرجت مي عند خالد بينما جلس خالد علي الارض نادما علي ما حدث ,,وظل يضرب الارض بكلتا يديه ,, هو فعلا كان يقظا لما يجري بينهما ولكنه يشعر انه قاومها كثيرا وقد ضغطت عليه حيث لم يستطيع الصمود اكثر من ذلك ,هو يحبها ويتمناها في كل لحظه ثم تنهد والتقط انفاسه بصعوبه وحرك شفتيه الحمد لله اني خدت بالي برده والموضوع متطورش لاكتر من كده ,,الحمد لله لم تخرج مي لمقابلته تلك اليوم ,,وظل يتصل بها طوال اليوم ,,ولكنها اكتفت بإرسال رساله له فقط سيبني انهردا يا خالد انا تعبانه تركها خالد تلك اليوم بالليله ثم في صباح اليوم الثالث ,,وقف خالد امام باب غرفتها وارسل لها رساله لو مخرجتيش خلال دقيقتين ,,انا هفتح واخشلك وقبل ان تمضي الدقيقتين ,,فتحت مي الباب ونظرت له بأطراف عينها وخرجت من غرفتها تنظر مي الي الارض تشعر بالخجل من نفسها رفع وجهها خالد وقال لها بحب:مالك يا حبيبي مي لم تنطق بكلمه خالد :بس سيبك انتي انا لازم اوصي علي علبه بجد ,,ده انتي طلعتي مصيبه تبتسم مي بخجل ويمسك خالد يدها لينزلا لتناول الفطور يقضيان يوما جميلا ,,مي بدأت تستعيد طبيعتها ..بينما خالد هو الذي كان يشرد كثيرا ويبدو عليه إصطناع السعاده ,,فهو مهموم وحزين طاره لما دار بينهما وطاره اخري لانه اخفي عليها حقيقه الوضع وكان يحدث نفسه دائما يا ريتني كنت قلتلها اللي حصل ,,هي اللي دخلتلي وانا كنت نايم ومش حاسس,,ايه اللي خلاني اخبي عليها ,,وبعدين هي لو عرفت اني حافظت عليها مكنتش هتزعل دائما كانت تلك العبارات تعبث براسه وتنتهي الرحله ويعود الامر لطبيعته مي في الجامعه صباحا ,,وخالد في عمله ,,وبعد ان تنتهي مي من يومها الدراسي تمر علي خالد ويخرجان سويا ,, وفي يوم من الايام,,كان خالد عند مي بالبيت وبينما هما جالسان دخلت رنا لتقدم لهما العصير رنا :اتفضل يا دكتور لودي عشان بس تعرف ان محدش بيعبرك في البيت ده غيري ,, يضحك خالد :انا عارف يا رنوش هو انتي في زيك رنا :طب متعرفش دكتور صاحبك عاوز يخطب يا خالد والنبي ويضحكان سويا بينما تقوم مي واضعه يدها علي فمها لقد احست بغثيان ورغبه في القيء خالد وقف منفوضا من مكانه :في ايه؟ رنا :من امبارح وهي بترجع كده,,تقريبا تعبت او بردت خالد :طب مكشفتش ولا حاجه رنا :تكشف ايه يا خالد ..أخدت موتيليوم باين او حاجه كده وترجع مي لهما ويبدو عليها الاعياء خالد :إنتي بترجعي كام مره في اليوميا مي مي :مرتين امبارح ومره انهردا خالد :يبقي لازم تاخدي حقنه يا مي تضحك رنا عاليا ثم تضع يدها علي فمها :سوري سوري والله انا اسفه معلش اصل تاخدي حقنه يا مي دي ,,وتضحك مجددا خالد :انتي ربنا هيرزقك بعريس يطلعه علي جتتك والله ويمر يومان ومي حالتها تزداد سوءا وبعد يوم اخر تتصل مي بخالد في الثانيه عشر ظهرا خالد :ايوه يا حبيبي مي:انا علي باب المستشفي اطلعلي يا خالد دلوقتي خالد :مستشفي ايه مي بصوت باكي :المستشفي اللي انت فيها يا خالد ,,وتغلق التليفون يخرج خالد مرعوبا من صوتها الذي يدل علي ان كارثه وقعت يخرج خالد يجدها واقفه جانب شجره يتقدم منها :في ايه تنظر له مي نظرات يملؤها الاستفهام والعتاب واللوم وتمد يدها في حقيبتها لتخرج ورقه وتعطيها له يفتح خالد الورقه,,وينظر بها نظره خاطفه ثم يحاول ان يبتلع ريقه ولا يستطيع خالد :إيه ده مي:انا اللي جايه اسالك يا دكتور ..معناه إيه ده انتظروا الحلقه الثالثه غدا انتظروا الحلقه القادمه غدا في نفس الموعد ان شاء الله  تعليقات القراء |
| توقيع : شوشو |
تم النشر بقلم :شوشو:الأربعاء مايو 21, 2014 11:34 am - -
| ||||||||||||||
رد: حصريا..قصه مخالب الحب...بقلمى الفت نظر القراء ان احداث القصه تفرض نفسها لان تكون غير مناسبه للعرض امام من هم اقل من 18 سنه لذلك وجب علي التنويه خالد:بتاع مين التحليل ده ..بتاعك؟ مي :لا بتاعك انت ,انت مش شايف الاسم ولا هتستعبط يا خالد في دي كمان خالد :مي ارجوكي اديني فرصه اشرحلك اللي حصل ,تعالي لو سمحتي مي بنظرات يملؤها الغضب والدموع تملؤ وجهها ,,تمسح خديها بتلك يديها ,وتسير معه حتي وصلا الي احدي الكافيهات علي ناصيه الطريق .. جلس خالد مشبكا يديه ,,وساد الصمت دقيقتين تقريبا وقفت مي فجأه خالد انتبه له مفزوعا :في ايه؟ مي :انا راحه اشوف حالي واشوف هتصرف ازاي ,,اقعد انت يا خالد بقي اسرح وفكر ومخمخ وشوف هتألف قصه عليه شكلها ايه اكون انا لحقت نفسي من المصيبه دي يمسكها خالد من يدها ليجلسها :ارجوكي اقعدي يا مي انا هحكيلك تجلس مي وترفع شعرها بتوكه تخرجها من شنطتها خالد :اقسم بالله يا مي انا كمان كنت خارج ارادتي والله العظيم ,,انا حاولت اخرجك من الاوضه ,,وانتي صممتي تفضلي معايا,,ده غير اللي عملتيه عالبحر ,,,وانا كنت متماسك وصممت تطلعي ووصلتك لاوضتك,, بعدها بساعه دخلتي اوضتي وانا نايم وطلعتي جمبي في السرير انا كنت نايم يا مي وعمال افكر في الليله والسهره بتاعتنا عالبحر وكلامك ليه انا اه مخدتش من الحبوب بس والله كنت متخدر من كلامك تغمض مي عيناها لتسقط منها دموع تلمع كاللؤلؤ ,دموع حزن وندم يستكمل خالد كلماته بعد ان عبثت ملامحه لما رأي دموع مي تنهال بهذا الشكل والله يا مي لقيتك جمبي وانتي اللي حضنتيني ,,مكنش ممكن اني اقدر ابعدك او امنع نفسي من اني اعيش معاكي لحظه حب بالشكل ده ..مقدرتش معرفتش ان كل ده ممكن يحصل , تقطع مي حديثه :عشت لحظه الحب ,,حلوه؟ خالد :مي انا والله العظيم منعت نفسي في اخر لحظه عشان احافظ عليكي وعشان مأذيش مشاعرك ولا نفسيتك وبعدت عنك عشان احافظ عليكي عشاني انا ,,عشان يوم فرحنا يا مي مي ترتعش ذقنها ووجنتيها من البكاء ,,وتخرج منديل من شنطتها ,,كدبت عليه يا خالد,,انت ليه بقيت وحش كده ,,انا ازاي طلعت عبيطه كل ده تلمع عينا خالد من صدمته في اخفاق صورته امام البنت التي يذوب فيها عشقا خالد :معرفش خفت اقولك يا مي ,,خفت احكيلك ,,انا نفسي والله والله يا بنتي اول ما صحيت للحظات كنت فاكر نفسي بحلم ومش حقيقي ,,والله كنت زي اللي متخدر انا كمان كل ما كنت افكر اقولك ,,اقول خلاص الموضوع عدي والحمد لله اني حافظت عليها ,, مي انا مردتش ائذيكي او اضيع عليكي فرحتك مي :عدت علي خير ازاي وتحافظ عليه ازاي بعد اللي عملته خالد :مي .انا معملتش فيكي حاجه متعمد..انتي بنت زي ما انتي والله انا ..انا ..ويخجل من ان يستكمل كلماته ,,كيف يشرح لها ما دار بينهما وانه لم يتقدم منها قدوما يسمح له بإنتهاك عذريتها يستكمل كلامه :بصي يا مي هو محصلش علاقه والله ,,انا ,,مش عارف اقولك ايه ,,بس والله انا مجرد كنت حاسس بيكي بس ,,محصلش اكتر من كده,,اقسم لك انك virgin ولسه بنت وانا مقربتش منك بالشكل اللي يستدعي حصول حمل ,بس هو سوء الحظ ,,بتبقي في بعض الحالات النادره ..مجرد حتي التلامس ممكن اي قطره سائل تتسبب في حمل في حاله خصوبه عاليه مع استعداد الجسم للحمل في الوقت ده مي ترتبك من كلام خالد ,ولم تجد ردا تعقب به علي ما قال مي :طب والحل خالد :مش عارف مي :اومال مين اللي هيعرف خالد :طيب نتجوز يا مي ,,نكلم ماما ونسرع بموضوع الجواز مي ساخره مره اخري :طب تماما هستناك بقي تجيلنا وتجيب مامتك معاك ونتفق بقي وتقولها يا طنط بدل ما نتجوز كمان سنه ونص نخليها ,واسبوع او اسبوعين ,,ونسكن في الشقه عالمحاره ومش مهم البكالوريوس ,,ومش مهم حاجه المهم نلحق مي قبل ما بطنها تبان خالد :طب اعمل ايه ..طب نقولها نسكن في ايجار جديد ونشوف حاجه جاهزه ونلم بسرعه مي نلم بسرعه ؟يعني كام شهر ,, شهرين كمان وبطني هتبان اني حامل يا خالد وتدخل مي في نوبه بكاء هيستيري خالد ينظر الي الارض خجلا من فعلته ومن كلام مي الذي اشعره بضعفه خالد :ارجوكي يا مي صدقيني ,,, مي تمسح دموعها وتستجمع قوتها لتخفي ضعفها الذي افشته الدموع:خرجني من المصيبه دي يا خالد..بأسرع وقت..انت مش دكتور وصيدلي خالد يهز راسه ,,حاضر ,بكره يا مي اوعدك هيكون الموضوع انتهي مي يعلو صوتها ثم نتبه الي المكان والناس حولها :انهردا يا خالد مش بكره خالد :طيب تعالي الصيدليه بليل عالساعه تسعه وانا هقولك نتصرف ازاي وتعملي ايه بالزبط تقوم مي من كرسيها ويقوم خالد ويسارع بدفع الحساب ليلحق بمي التي خرجت من المكان دون كلمه سلام\ وفي المساء في غرفه مي ورنا ,,تدخل رنا علي مي تجدها تبدل ملابسها تستعد للنزول رنا :انتي راحه فين مي :راحه اقابل خالد يا رنا عاوزاه ضروري رنا :مالك متخانقين ولا ايه مي :مفيش يا رنا ,,غيه تحقيق متخليكي في نفسك وسبيني تخرج مي من الغرفه بينما تنظر لها رنا وتشعر ان هناك امرا ما تحاول مي اخفائه,,انها لم تحادثها بهذا الاسلوب قط في الصيدليه خالد يسرع الي مي بمجرد ان رأها في المكان خالد :عامله ايه مي بنفس نظره الغضب :فين الدوا يخرج خالد شنطه صغيره من الدرج وبصوت خافض :انا كاتبلك الجرعات وازاي تستخدمي الدوا ده في ورقه ..يشدد عليها.. متحاوليش تزودي من عندك لان ممكن يعمل نزيف ,,الجرعه زي ما انا كاتبلك عليها بالزبط لا اكتر ولا اقل ,, تنظر له مي نظره اشمئزاز وتمسك الشنطه وتخرج من الصيدليه ,,يخرج وراها كالمجنون خالد صارخا :مي مي ويمسكها من ذراعها بعنف ..انا مش عاوز جنان يا مي ,, وبلهجه شديده :نص قرص لمده يوم مرتين يوميا او تلاته ..والبرشامه الصغيره حبايه واحده تحت اللسان من اول بكره عالريق ,,ومتتجننيش وتاخدي اكتر من كده ,,ثم يخفض صوته وبشده يضغط علي عيناه ويغلقها ,,ارجوكي تنفذي الكلام ده بالحرف ,,انا هموت لو جرالك حاجه مي :انا خلاص جرالي يا خالد تسقط دمعه من مي تذبحهما سويا ,,دمعه ضعف وإستكانه ,,دمعه الاحساس بالضياع يمسك خالد مي من يدها التي تمسك بالشنطه ..ولاول مره تسقط دموعه اماها :وبضعف الطفل الصغير يستسمحها :ارجوكي يا مي ,,هتعملي زي ما قولتلك ترق له مي بعد ان استشعرت في تلك الدموع الصدق:تهز راسها له بنعم وفي صباح اليوم التالي ,,لم تنام مي ,,ظلت تنتظر الصباح حتي تبدأ في الحبوب التي اعطاها لها خالد,, تاخذ الاقراص بنفس الجرعه كما كتبها لها خالد بالتمام تقترب رنا من سرير مي :مش نازله يا بت ولا ايه مي :لا انا خليني انهردا ,,مورييش حاجه تقترب رنا اكثر:فيكي ايه يا مي,,شكلك مش طبيعي خالص مي تحاول ان تبدو علي طبيعتها :ابدا يا بنتي مالي ,,بفكر بس في موضوع الشقه ,,خالد عاوز ياخد قرض وانا خايفه نزود اقساطنا ..فبمشغوله بالتفكير تطمئن رنا قليلا وتتركها وتخرج يتصل خالد بمي مي أايوه يا خالد خالد :عامله ايه انهردا انا تحت البيت ,,تعرفي تنزليلي مي ,,طب استناني علي اول الشارع,,دقيقتين وجايه تنزل مي بسرعه لتقابل خالد يراها خالد فيبتسم لها ولم تستطيع مي ان تمنع نفسها من الابتسام له ,,انها تحبه فعلا من كل قلبها خالد :عامله ايه يا حبيبي مي :اخدت القرص اللي تحت اللسان وبعد ما اقطر هاخد التاني زي ما قلت خالد :طيب تمام ,,وبخجل يستكمل كلامه بعد ان يخفض صوته :اول ما ينزل دم تشربي عصير وتاخدي معلقتين عسل اسود,,فاهمه ,,وانا بليل هجيبلك فيتامين تاخديه مي احست بالخجل من تلك الحوار ,,لم تتخيل ان يتطرق بينهما الحديث لهذا الوضع :متجيش يا خالد :انا هاجيلك,, خالد :لو بدأ ينزل عليكي دم يا مي انا مش عاوزك تتحركي..إسمعي اللي بقولك عليه كويس ,,مش عاوز جنان ,,اوعي تعملي زي المجانين بتوع التليفزيون وتنطي من فوق السرير والكلام المتخلف ده ,,ممكن تموتي وبرده الحمل مينزلش ,,الحبوب دي هتنزل الحمل ان شاء الله بهدوء....انا كنت عاوز اديكي الفيتامينات دي من امبارح بس اتلغبطت ونسيت انا هجيبهوملك ومش هقعد يا مي .. مي تشعر انها تريد ان تبرر موقفها امامه:انا بقولك كده يا خالد عشان مش هقدر اكون طبيعيه ومش عاوزه حد يلاحظ ده خالد :حاضر يا مي اول ما يحصل معاكي جديد ,,تابعيني علطول مي مستفهمه والخوف يملؤ قلبها :يعني الحبوب دي اكيد هتعمل حاجه يا خالد خالد :مي ,انا عاوزك تهدي..عمر الحمل ده مكملش شهر لسه,,يعني عشرين يوم تقريبا ,,ده معاناه ان لسه مجرد تجمع دموي ,,والاقراص دي هتفتح الرحم وتعمل انقباضات شديده ,,بتعمل عصر للرحم ,,وطرد لاي شيء فيه,, بنسبه تسعه وتسعين في الميه ,الموضوع ده هينتهي انهردا ان شاء الله مي :يا رب يمسك خالد يدها ويشد عليها :خلي بالك من نفسك مي تهز رأسها خالد :طب سلام ,,هستني تليفونك تطمنيني ةترجع مي للبيت مره اخري لتنتظر ماذا يحدث لها من تلك الحبوب ,وبعد ساعه ونصف تقريبا تتصل مي علي خالد:ايوه يا خالد ,,انا انا يوفر عليها خالد هذا الخجل :طب تمام يا مي ,,بدا ينزل دم ؟ مي :اه خالد :حضرتك ترتاحي ومتعمليش اي مجهود ,,اي مجهود هيتعبك ومش هيزود ولا ينقص شيء ,,كده اول خطوه حصلت والرحم فتح ,,شويه وهتحسي بانقباضات في بطنك من تحت مغص زي بتاع البريود بس شديد شويه متقلقيش ,,كده بيحصل الاجهاض,,انا تمانيه بليل هاجي واطمن عليكي ,,واجيبلك الفيتامينات مي بصوت يملؤه الضعف :هستناك يا خالد يبتسم خالد بعد ان احس في صوتها بالحب الذي كان علي وشك الضياع انا اللي هستني الساعه تمانيه عشان اشوفك واطمن , يستطرد كلامه ,,:إستني إستني ,بصي ,,طبعا موبايلك في ايدك ابوس ايدك واول ما اتصل تردي عليه مي :حاضر خالد :يالا سلام دلوقتي وفي المساء ,,عندما تدق الساعه الثامنه ,ويدق معها جرس الباب تفتح مي لخالد ,,يدخل وبيده شنطه من الشيكولاته والمقرمشات والاسناكس الذي اعتاد ان يدخل بها لمي يعطيها الشنطه بيدها ,,وبصوت هامس .الحاجه جوه تقبض مي علي الشنطه بيديها :اتفضل يا خالد مي وجهها شاحب ويبدو عليها التعب خالد بعد ان يجلس :ماما فين مي :ماما في اوضتها بتصلي خالد بهمس :ايه اللي حصل مي :زي ما قلت ,,مغص بس مش جامد اوي ولا حاجه..مغص معقول محتمل يعني ,, خالد والدم مستمر تهز مي راسها , خالد :تاخدي الفيتامين من انهردا ,,ده حديد عشان يعوض النزيف بس,,وتستمري علي اقراص امبارح لغايه بعد بكره ,,هيكون الموضوع انتهي تماما تقترب مي براسها منه حتي لا يسمعها احد:خالد انا خايفه يكون ده حرام,,خايفه ربنا يزعل مننا ويعاقبنا ,,خايقه ينتقم مني ..إحنا بنقتل روح صوتها يبدو عليه الرعب خالد يهدء من روعها :انتي مقتلتيش روح ولا حاجه عشان يبقي حرام ,,ده لسه مجرد تجمعات دمويه وكيس حمل ضعيف ,,ده لو كان اتكون اصلا ,,غالبا الحمل اللي بيحصل في حالتك دي بيكون اصلا حمل ضعيف ومبيكملش او نطفه مشوهه ومش هتكمل ,, احنا مكنش اودامنا اختيارات يا مي ,,وربنا عالم اننا اتحطينا في الموقف ده إزاي صدقيني يا مي قبل اربعين يوم مفيش روح في الحمل ولسه عباره عن دم جامد فقط,,ده في ناس بتحمل ويحصلها اجهاض من غير ما تعرف..والاجهاض المتعمد في الفتره دي في حاله وجود ظروف قهريه ,, ان شاء الله ربنا يسامحنا عليه ,, تهدأ مي قليلا وكأنها ارتاحت لتلك المبررات وتنقضي ثلاث ليال ومي تتناول الاقراص والجرعات كما امرها طبيبها الخاص وفي صباح اليوم الرابع مي وخالد في الكافيه الذي تعودا علي الجلوس فيه مي:انا كده المفروض هيحصل ايه يا خالد خالد :ولا حاجه ..كده خلاص ,,طالما الدم بدا يضعف يبقي خلاص هيترفع لوحده ونعيد اختبار الحمل كمان اسبوعين ,,هتلاقيه بقي negative (سلبي مي :يعني لازم نعيد الاختبار يا خالد ولا ايه.. خالد :هنعيده ونعمل سونار كمان ..لان لازم نطمن ان الرحم بقي نضيف تماما ومفيش فيه اي بقايا للحمل مي :طب هو لو طلع فيه بقايا الحل ايه خالد يتنهد :يا بنتي ان شاء الله مش هيكون بس هو حتي لو فيه بقايا غالبا بناخد قرص علاج تاني ,,او بنظطر لعمليه miscarriage (تفريغ ,, مي :تضع يدها علي فمها مصدومه ..عمليه خالد يطمئنها ويسمسك يدها :اهدي ,,حتي لو لاقدر الله اضطريتي لعمليه ,,مبتاخدش نص ساعه وبتروحي علي رجلك عادي ,,ده في ستات بتعملها وتروح سايقه عربيتها بنفسها مي متعجبه :انت مالك واخد الامور ببساطه كده ليه خالد :لانها بسيطه والله مش عاوزك تتوتري وتتعبي اعصابك عالفاضي ,,لو مكنش الرحم نضف تماما مكنش الدم هيترفع او يقل بالشكل ده,,اللي حصل ده اكبر دليل علي ان الامور كلها ماشيه زي ما احنا عاوزين,,إضحكي بقي تبتسم مي :يااارب خالد :هنفتكر الكلام ده كله واحنا مع بعض بعد كده وهنفضل نضحك علي نفسنا , تري ماذا يحمل الغد لمي وخالد,,وهل يخفي الزمن في جعبته شيئا لهما تابعونا علي ام بي سي مصر ههههههههههه في انتظاركم غدا ,,انتظروني والحلقه الخامسه ان شاء الله غدا في نفس الموعد  تعليقات القراء |
| توقيع : شوشو |
تم النشر بقلم :شوشو:الخميس مايو 22, 2014 11:24 am - -
| ||||||||||||||
رد: حصريا..قصه مخالب الحب...بقلمى *********************************** خالد عند مي في البيت خالد :ميوش,,عيد ميلادك الشهر ده انا فاكر ,,هجيبلك ايه مي ناظره له باسف :عيد ميلادي ايه اللي الشهر ده ,,انا حاسه اني هموت الشهر ده خالد :يا ساتر يا رب ليه كده تقوم مي من جلستها تطمئن ان لا احدا يسمعها ثم ترجع اليه بسرعه لتستكمل كلامها انا مينفعش اعيد اختبار الحمل ده دلوقتي يا خالد..انا خايفه يكون الحمل لسه منزلش وانا سيباه يكبر خالد :دلوقتي احتمال ان يطلع برده ايجابي بيكون هرمون الحمل لسه في الدم,,.بيزول اثاره من الدم خلال اسبوعين تقريبا وبينما هما يتحدثان كانت تستعد رنا للدخول بالعصير كعادتها لهم ,,ولكن كلمات خالد جعلتها تقف في مكانها..لقد سمعتهم رنا مي:طب انا ممكن اعمله وفي احتمال يطلع سلبي خالد :والله ممكن يا مي ,,ممكن اه وممكن لئه ,,انتي ايه اللي مخوفك مي:اللي مخوفني اني بصحي من النوم دايخه ومش قادره اقف ,,حاسه ان نفس الاعراض عندي يا خالد,, خالد :إنسي ,إنسي ان يكون,الدم اللي نزل ده كله ولسه حامل ازاي يا بنتي ,,إيه حامل في عفريت خارج الغرفه تقف رنا وتحس ان حائطا وقع عليها ,,تسند صينيه العصير علي كرسي جانبها وتجري الي غرفتها مي تستكمل حديثها :بص انا هعيده وان شاء الله هطمن خالد :طب استني يومين كمان عشان خاطري مي:خايفه يا خالد خايفه اوي يمسك خالد يدها ويقبلها فيها :متخافيش والله ,,انا معاكي اهو ومش هتبقي لوحدك ابدا قررت رنا ان تكتم ما سمعت بداخلها وستتابع من بعيد كيف تتصرف اختها في تلك المصيبه ,,ولكنها ستكون علي إستعداد لتقديم كل ما تملك لاختها لتخرجها من تلك المحنه..تلك هو ما فكرت فيه رنا وبعد يومان اخران تذهب مي الي خالد في الصيدليه في الثامنه مساءا,, خالد :مي خير في ايه مي :انا عاوزه البيبي تيست يا خالد هعيده خالد :يا ربي علي الوسواس بتاعك ده تأخذ مي البيبي تيست من خالد وتخرج من الصيدليه ,ويخرج ورائها خالد وينادي عليها ::مي مي تقف وتلتفت له :ايوه يا خالد خالد :ارجوكي لما تطمني تهدي بقي وتنسي الموضوع ده وننتبه لحياتنا لمذاكرتك وليومك الطبيعي ,,انتي ضغطي علي اعصابي زياده عن اللزوم الفتره اللي فاتت نظرت مي له نظرات لا تحمل الا معني واحد ,,ارجوك تحملني فالكيل فاض مما انا فيه وفي فجر اليوم تقوم مي من سريرها في خطوات لا يسمعها احد وتتجه نحو الحمام ,,انها تستعد لاجراء ذلك الاختبار الذي باتت تحلم بإعادته بعد ان تغلق مي الباب تفتح رنا عيناها ,فهي تتابع وتراقب دون ان تتدخل..ولكنها فتشت في شنطه اختها وعرفت انها كانت تستعد لتلك الاختبار وفي صباح اليوم التالي ,,يقف خالد امام باب الجامعه ينتظر حبيبته المجنونه,,التي أصبح كل هوسها قائم علي تلك الواقعه ..ولم تجد في حياتها اي مكان لاي شيء اخر غير تلك الموضوع تراه مي فتجري اليه مسرعه خالد :انت تليفونك مبيردش ليه ,, خالد في ضجر :لقيتي ايه يا مي تفتح مي حقيبتها وتخرج له الاختبار ,وينظر له خالد ثم يعطيه لها ..يا رب تكوني ارتحتي يا مي بقي تبتسم مي :الحمد لله ,,كده خلاص يا خالد صح خالد :اه طبعا خلاص من اول يوم وهو خلاص بس هو الهرمون بيفضل في له اثر شويه بعد الاجهاض او حتي لو كانت ولاده طبيعيه ,,ممكن بعد ما تولد الست بيومين تلاته او اسبوع كمان تعمل اختبار حمل ويطلع ايجابي عشان كده كنتك عاوزك تستني ,, تتنهد مي وتنفخ:اخيرا ..كان كابوس وبعين العاشق ينظر لها خالد :انا مكنتش اعرف اني بخاف عليكي كده..مي والله العظيم انا ما كدبت عليكي في شيء من اللي حكيتهولك ليلتها ثم تشير له مي الي مقعد بجوار محل الورد جانب الجامعه ويتجهان للجلوس عليه\ يقوم خالد ويأتي بعلبتين عصير وشيكولاته ويعطي الشنطه لمي في يدها ,,تأخذها منه وتعطيه واحده من كل صنف مي :خلاص يا خالد خلاص منتكلمش تاني في الموضوع ده خالد وقد إحتدت لهجته في الحوار حده يبدو منها الغضب الشديد:لا نتكلم يا مي ,,,انا مش هينفع كل ما تكلميني ولا تبصيلي احس انك شاكه اني غدرت بيكي ولا طمعت فيكي ولا نهشت في لحمك زي الكلب السعران انا عندي استعداد بدون اي مبالغه اني اموت عشان خاطرك,,..والحمد لله انا مكنتش هبقي عاجز عشان اواجه الكل واقول اننا عاوزين نتجوز وبسرعه ولو كنتي وقفتي جمبي وشجعتيني والله كان زمان فرحك بكره ولا بعده ,,بس انتي اخترتي الحل الاسرع والاقصر خالد :انت... يسكتها خالد..ولا انت ولا انا,,انتي في لحظه شكيتي فيه ولا كأن ليه اي رصيد عندك ,,إيه يا مي ,,ازاي توقعتي اني شيطان بالشكل ده وكداب وخاين مي :انت فعلا كدبت عليه ,,وفعلا ضربتني,,ولعلمك انا بحاول اكون طبيعيه معاك بقالي فتره وده فوق طاقتي ,,مش لاي سبب يا خالد غير اني بحبك,,بحبك ومش عاوزه اسيبك حتي لو كنت وحش بحبك ومش هسيبك حتي لو انت ضربتني خالد مستفهما :ضربتك مي:ضربتني في مشاعري يا خالد انت ليه مش مقدر حجم التجربه اللي انا بحاول اتناساها ,,انت متعرفش انا كام مره حلمت الاسبوع اللي فات ان ماما عرفت وصحيت من النوم عامله ازاي,,بتلوم عليه اوي عشان متوتره والموضوع قلب معايا بوسواس,,انت ازاي مش قادر تحس بحجم المصيبه اللي انا وقعت فيها ,,انت ساكت كده ليه خالد :بسمعك يا مي ,,بشوفك شيفاني ازاي ,,وبتغصبي علي نفسك تعامليني وتتكلمي معايا بس عشان بتحبيني ,,وبتحاولي تنسي عملتي السودا وطعنتي وضربتي حسستيني اني حطتلك الحبايه في كوبايه العصير وشلتك وانتي نايمه و.. .. يسكت خالد ولم يستكمل العباره خوفا علي ان يؤذي أذنيها بلفظ خارج يستطرد كلامه :ايه يا مي ,,بصي للموضوع نظره عدل شويه,, تقوم مي من مجلسها,,تنتظر قليلا ثم تقول له ,,اجازه يا خالد خالد :اجازه ايه مي :ناخد اجازه من بعض ,,نعيد تفكيرنا وحساباتنا وبالمره انا ابص للموضوع نظره عدل,,ويبقي كل واحد فينا في حل من وعده للتاني ,,ويا نكمل سوا ونفتح صفحه جديده مفيهاش اي سواد ومحدش في قلبه للتاني شيء ,,يا بلاش منه يا خالد وكفايه علينا احنا الاتنين لغايه كده يبتسم خالد ابتسامه الم,,صح يا مي اجازه مفتوحه ,,وانا مش هتكلم خالص,,لما تحسي انتي انك اخدتي قرار ,,ابقي كلميني مي :انت كمان وقبل ان تكمل جملتها خالد :ملكيش دعوه بيه يا مي ,,انا قراري واخده وعارفه من زمان,,مش هستني لما انتبه له واعيد حسباتي عشان اول ازمه تمر بينا..سلاموا عليكوا ويتركها واقفه ويدير لها ظهره عابرا الطريق دون ان يلتفت ورائه,,بينما ظلت تنظر له مي حتي غاب عن ناظريها ....,,,,,,بعد يومان . .في المساء في بيت خالد يقف خالد في شرفه منزله وينظر الي شرفه غرفه مي ,,ان الضوء في الغرفه يدل علي ان مي لازالت مستيقظه,,ورغم ذلك لم يلمح مي في بلكونتها كما كانت تعتاد وبينما هو واقفا دخلت عليه والدته:ايه يا دكتور ’,تليفونك ساكت ومبتخرجش بعد ما بترجع ووشك لونه مش حلو ,,زعلان مع مي ولا ايه خالد:لو قلتلك يا ماما ان مي عاوزه تسيبني تقولي ايه ام خالد:اقولك متسيبهاش ,,اكيد هي زعلت منك جامد اوي وقالت كده في لحظه غضب ,دي مي بتموت فيك,, وتشير بيدها لا لا ولا اصدق يبتسم خالد:ربنا يخليكي ليه يا ماما,,دايما كلامك هو اللي بيريحني ام خالد :ربنا يريحك بالك ويطمن قلبك وما يشغل بالك ابدا يا حبيب امك تخرج امه من البلكونه فيلتفت خالد مره اخري نحو شرفه مي ليجدها واقفه تنظر له ,,وبمجرد ان وقعت عيناه عليها ورغم ان قلبه دق لها ولرؤيتها ,,الا انه دخل من شرفته واغلق ورائه الباب والنور ايضا ترك تلك الموقف في نفس مي الما شديدا ,,احست انها أغضبته منها الي حد بعيد,,كيف يمكن ان تستعيد حبيبها وتسترضيه دون ان يمس ذلك كرامتها في صباح اليوم التالي وقفت هذه المره مي لخالد امام باب المستشفي ,,وجدها عند المدخل.أحس بفرحه في قلبه ولكنه لم يجعل لهذه الفرحه فرصه ان تترك اثرا تتلمسه مي في ملامحه يبدو وان فعلته عندما اغلق الباب والنور اثار فيها ما جعلها تأتي له مع اول صباح تقترب مي منه وتمد يدها لتسلم عليه وبصوت حزين:صباح الخير يمد خالد يده :صباح النور وبعد ان سلما تحاول مي ان تبعد يدها عن يده ولكن خالد قابضا علي يدها بحيث لا تستطيع اخراج يدها من يده مي :إيه إيدي خالد:لا اتكلمي وانا ماسكها كده ,,خير يا مي مي فرحت بقبضه خالد علي يدها ولكنها حاولت ان تظهر غاضبه : انت ,,انت ازاي متتصلش بيه تلات ايام ومتكلمنيش ولا تحاول تشوفني حتي خالد :مش انتي قلتي ناخد اجازه مفتوحه نعيد حساباتنا ,,حبيت اسيبك تاخدي فرصتك براحتك في اعاده التفكير بدون اي ضغوط مي :يا سلام ,,ولا ما صدقت خالد يترك يدها التي كان قابضا عليها :انا؟؟ مي ايوه,,ده انت لمحتني في البلكونه دخلت وقفلت زي ما تكون شفت عفريت,,ايه كنت مستني تطمن ان الموضوع عدي بسلام وتمام وميه ميه عشان عاوز تبعد.. خالد يبتسم فرحا بعد ان احس بحب مي الذي لم يتغير تجاهه ولو لحظه خالد :انا مقلتش اني هبعد يا مي مي :اه مقلتش فعلا ,انت بعدت علطول ,,عموما براحتك ومفيش مشكله عادي انا متفرقش معايا علي فكره خالد :طب اوكيه خلاص يبقي نبعد مي يدق قلبها وبلهجه يملؤها الغضب:طبعا زمانك بتقول الحمد لله انها موافقتش ان نسرع بموضوع الجواز كنت هدبس فيها تسع شهور علي ما تولد خالد:إيه الشطاره دي انت كمان بتعرفي تخمني ردود افعالي وتوقعاتي ,,ممتاز مي :اصلا اصلا عشان تبقي عارف المفروض ان انت تتجوزني فعلا لمده اسبوعين تلاته علي الاقل علشان علي ما الخلق يعرفوا ان انا وانت اتجوزنا وبعد كده نبقي نقول ان محصلش وفاق ,,انا مش هعرف اعيش واكمل عمري كله بكدبه خالد :المطلوب ايه طيب مي :المطلوب ان انت هتيجي تكلم ماما وتطلب منها انك تمشي في اجراءات البحث عن شقه ايجار جديد ونتجوز شهرين تلاته ,,سوري طبعا وبعدين ننفصل.. ,, خالد :طب ده حل جميل جداا,,يبتسم ويقترب منها بنظرات غزل:يا رب مترجعيش في كلامك وانا ابقي راجل اي كلام لو رجعت في كلامي تحاول مي ان تخفي ابتساماتها فكلمات خالد ونظراته تحمل كل معاني الحب الذي شكت مي انه غير ذات وجود مي بصوت فيه حب ونبراته كلها دلع وانوثه:طب احنا هنتجوز واحنا متخاصمين خالد :لا إزاي ,,أكيد هنتصالح الاول ,,ده انا حتي موصي علي باقي العلبه بتاعت الاكس..إكس إيه بتاعكوا ده ,الاكس تاتش ولا إكس ماكس ,,ويضحكان الاثنان عاليا ,,,وتميل مي برأسها علي خالد ويلف هو زراعه حول رقبتها ليقبلها في شعرها وبعد مرورأسبوعين تقريبا مي ذهبت عند خالد في البيت لتطمئن علي صحه والدته التي كانت مريضه يجلس خالد جانبها في الصالون خالد:ما تيجي يوم الجمعه نروح ناخد فلوكه في النيل ونقضي يوم سوا ,,انا حاسس بقالنا كتير مخرجناش خروجه حلوه مي:يا ريت يا خالد والله وتمسكه من ذراعه بكلتا يديها ,,انها مسكتها المفضله له ,,وكعادتها تمد يدها في جيبه لتخرج منديل تخرج مي المنديل وتتحسسه بيدها,ويبدو ان المنديل به حبوب ,, تنظر له مي ,,ينهار اسود تاني وتقف ملهوفه وتمسك شنطتها وتجري نحو الباب يجري ورائها خالد بينما تكون هي سبقته وفتحت الباب ونزلت علي السلم ,, خالد ينادي:مي ,ويا بت والله العظيم انتي فاهمه غلط بصي ثم يضحك عاليا ويفتح المنديل ,وإنها سبحه والدته قد إنفرطت وقد جمع هو بعض الحبوب ليعيد لها تصليحها وفي يوم الجمعه وفي احدي البواخر الرائعه عالنيل جلسا مي وخالد في جو رومانسي لم يكن يتوقعا ان يجداه وبينما هما في قمه اندماجهم بتلك الجو الرومانسي والمنظر الخلاب ,,فجأه تقوم مي من جلستها مفزوعه ,,وتتجه بوجهها نحو المياه ,,.زلقد اصابها الدوار علي ما تعتقد ولديها رغبه في القيء.. يقوم خالد ليسندها حتي تنتهي وتجلس لترتاح قد تصببت عرقا هذه المره وامتلئت عيناها بالدموع من التعب,, تضع منديل علي فمها ,وتنظر لخالد في صمت ولكن عيناها تحمل الف كلمه يفهم خالد ما تريد ان تقوله مي خالد :ده مجرد دوار بحر يا مي ,,انتي مش عملتي الاختبار وطلع سلبي مي لازالت صامته ولكن هذه المره لم تستطيع ان تتماسك نفسها إرتمت بين ذراعيه تبكي خالد محاولا تهدئتها :اول لما نوصل نروح المعمل ونعمل اختبار تاني ,,حاضر ,,إهدي بقي عشان خاطري أفسدت مي اليوم بالبكاء والشرود والصمت وخالد كف عن محاولاته في إخراجها من الموقف ,وإما قد سأم من تصرفاتها او ربما هو أيضا اصابه ما أصابها من الخوف وبعد ان وصلت مي وخالد ,,توجها الي المعمل ,,بعد ان طلب خالد من البنت الموجوده اجراء اختبار حمل خرجت له من الغرفه ماسكه بيدها كوب بلاستيك لتضع مي عينه البول للاختبار فيه أمسكت مي الكوب ,وبينما اخذه خالد من يدها قائلا للبنت :انا عاوز اعملها اختبار عن طريق الدم نظرت له مي ,,احست ان خالد قد دب في قلبه الشك جلست مي تنتظر الطبيب لاخذ العينه وخالد صامتا لم يوجه لها كلمه اجرت الاختبار وظهر التوتر الشديد عليهما ,, اثناء إنتظارهم للنتيجه نظرت السكرتيره الي مي وهي تبتسم :إن شاء الله حامل متقلقيش نظرت مي الي خالد بخوف وهزت راسها للبنت دون كلمه وخرج طبيب التحاليل ,,وبيده التقرير واضعا اياه في ظرف ,,:مبروك ..... تعليقات القراء |
| توقيع : شوشو |
